أحلى كب كيك بقطع كادبورى من مطبخى كلاكيت أول مره

السلام عليكم يا بنات
بعد تفكير و تمعين
فكرت و قررت و قولت لازم اوريكم باداعاتى ههه
فجهزت العده و الكاميرا و دخلت المطبخ
تعالو معايا شوفوا عملت ايه
انا عملت كب كيك بقطع الكادبورى و ممكن بالجلاكسى و ممكن بالسيكولاتهع نوتلا
انا بعشق كادبورى اكتر حاجه علشان كده عملت بيها
و الطريقه سهله و مضمونه جدا لو جايلك ضيوف تقدرى تعمليها فى 5 دقايق
انا وقرت مجهودى و اشتريت علبه كيك سريع التحضير و مواصفتها بتكون على العلبه
و كمان حضرت الكادبورى حبيبة قلبى
و قوالب الكب كيك ... و حطيت فيها ورق الكب كيك علشان لا تلزق بالصينيه و يخرب شكلها
و على فكره يا بنات تقدرو تشترو الورق الخاص و تحطوه فى صينيه عاديه مش شرط قوالب خاصه بالكب كيك
انا عندى معلقه الخاصه بالكريب حطيت بيها معلقه فى كل قالب
و ممكن بمعلقه الطعام العاديه تحطى معلقتين بس
و الباقى حطيته فى صينيه مدوره صغنونه دهنتها الاول بالزبده و رشة دقيق
حطيت مربع شيكولاته كادبرى على الوش .. و لو نوتلا حطى معلقه صغيره على الوش برضو
و كمان فى الكيكه الصغنونه حطيت كذا مربع فى النص علشان تاخد نفس الطعم فى الكب كيك
و بعد 20 دقيقه تقريبا فى الفرن على درجه حراره 180
انا بشغل الفرن قبل ما ابدء فى تجهيز الكيك علشان اضمن انه سخن كفاايه اول ما احط الكيك
و ده شكل الكب كيك اول ما استوى
و ده شكل الكيكه اول ما طلعت من الفرن
و ده شكل الكب كيك من الداخل و قبل ما اخلصه انا و زوجى ههه
و سمعونى احلى تحيه