أريد أن أملك دوله عربيه بقلمي

بسم الله الرحمن الرحيم
السلام عليكم ورحمة الله وبركاته
القصه بقلمي وهي عباره عن مزيج بعض من الحقيقه وبعض من الخيال
وسوف اسردها لكم بأختصار ومن نهاية مووضوع او بالاحرى من نهاية قصة ( طفله ) حالِمه ...
(راح احكي القصه بالعاميّه لاني لستُ طلِقه باللغه الفصحى ..اعذروني )
\\
قال لها ابوها : اذا كان عندك المارد وقال لك وش امنيتك امري وش تبين!!
قالت الفتاة او بالاحرى الطفله : وبكل عصبيه وقهر ونار تغلي داخلها ودموعها على وشك الانهيار !!
" ابي املك دوله عربيه يايبه!! ايه دوله بأكملها واكون فيها اانا الحاكمه
وابي يكون كل السكان عرب!
وامشي فيها وانا ارسم البسمه على وجه كُل عربي
واقول لهم ارفعوا روسكم وافرحو فأنتم ( عرب ) !!
نعم عرب اهل العروبه والطيب
كلنا نحب بعض!
كلنا واحد
كلنا قلب واحد
وابي لا زارونا (الاجانب) بقول لهم بكل غرور وكبرياء
حنا عرب وهذه دولتناا !! واذا مو عاجبينكم اطلعو براا
: استغرب الابو من رد بنته وقال لها :طيب ليه يابنتي تعاملين الانكلييز كذا !
قالت البنت وهي تبكي :يبه! انت تدري ليه !!
وتسألني ليه؟؟
عااجبك ذولا الاجانب! ذلو فينا واقهرونا واحرقو قلب العرب!!
كل ماانمشي بشارع قالوا عنا ياكثر العرب!!
وكل مره يقولون اانتم يا "عرب"!! هذه دولتنا مانبي نوصخها فيكم لو سمحتو اطلعوو برا !!!!!!!!
يبه تكفى !!
ابي وطن!!
كل واحد له وطن !! إلا اناا
مالي وطن؟؟
ليه يايبه؟
ابي افتخر واحرق قلوب الانكلييز
ابي اطير من الفرح تكفى "بليز "!!
يبه يبه!
ابي اسمع صوت الاذان !!
ابي اسمعه من كل مكان!
واقوم وألّبي النداه
واقول حي على الصلاه !
(يارب حقق هالدُعاء !!)
: قالت كلام كثير نصه ماانفهم
وتلخبطت عليها اللغه
نص بالعربي ونص بالانكليزي
والابو يحاول يفهم
وانصدم
طفله وتحمل هم..
وتبي وطن!!
طفله وتصييح من ( الظلم ) والسبب .. ؟؟ غلطة زمن
طفله وتبي تفرح .. وتبي (تشم) ريحة عرب!!
صاح الابو : الله واكبر ياعرب !!
وين الضمير؟؟ وين البشر؟؟
اصحو وشووفو طفلتي !
تحلم تبي تعيش بين العرب!
بس وين العرب؟؟؟
تفرقّوا بأفعالهم
وكلن يدور راحته
كلن بدرب ( المصلحه )
يتقرب من "الانكلييز" ويبي رضاهم !!!
وبنتي .. تبكي تبيهم !!
لان هواها فيهم .. ولادتها بأرض العروبه والكرم
بس الزمن ..
آآآآآآآآآآآه يالزمن !!
..
تنفس الابو بعمق ورد على بنته كالمعتاد ..
ماباليد حيله
والله كريم ..
\\
هذه قصة فتاة ولا تزال روحها روح طفله : هواها عربي
عربية الاصل لاكن ليس لديها وطن!
كُتب الله ان تفارق وطنها وهي في السنه الثالثه من عُمرها !
وعاشت طول عمرها مُغتربه في دوله تختلف عن عاداتهم وتقاليدهم
تختلف عن لُغتهم
لكن
اكبرت البنت ونشأّت بينهم واخذت من عاداتهم واخذت لغتهم ولم تشعر بأختلاف الا عندما بلغت ولبست الحجاب! وهي فرحانه لحُبها لدينها
لكن
هُنا بدأت المعاناه
وبدأت تشعر بالفرق
وبدأت تصرخ
تبي وطن !!
كانت تحن لأصلها
تسأل على اوطانها
وبين كل حين وحين
امتابعه اخبارها
تحلم و تحلم كل يوم
بأنها تزور بلادها
تدعي وتدعي كل يوم
(يارب حقق احلامها!)
\\
امتلت الحنيه بقلبها
قامت تحن
لاي ارض عربيه
ودها تعيش مُسلمه !
مُعززه .. مُكرّمه
بديار تهتف بالاذان !!
وتسمعه وماتهمله
\\
ولا زالت تلك الفتاه لهذا يومها تحلم بِ وطن !
تحلم بديار العرب
تحلم بديار فيها تسمع الاذان
تحلم
وتحلم
وتحلم
ولا زالت توقد شمعة الامل عل وعسى يتحقق حلم من احلامها
..
( لا تسألوني من هي هذه الفتاه ؟؟!! فأعتقد الصوره واضحه )
\\
اعذروني على الخربشات
ف لم اجد امامي سواكم لافرغ ( شحنه ) من شحنات قلبي هُنا لأخفف عما بداخلي !!
كل الود لكم
اختكم : ( م جروحة الروح )