أسرع وأسهل بسبوسة محشية من مطبخ نسكافة بالتوت

هذا سلمكم الله بسبوستي اللي ماقدر استغني عنها من طعمهاجربوها وربي تجنن يابنات التصوير لان بجوال فظالمها ولا والله شكلها وطعمها يهبل حتى الرجال اللي مايعجبهم الحلى هاذي بتعجبهم ومتاكدة ميه في الميه لان مجربتها مع رجال اقاربي مايعجبهم الحلى لكن هاذي لا اعجبتهم ماشاء الله تبارك الله يعني كسبت قلوب الجميع مالكم بالطويلة نبدا الموضوع
المقادير
ربع كاس زيت
نص كاس سكر
نص كاس ماء
علبة قشطة
تخلط المقادير بالخلاط
ثم نضعها على المقادير التالية
كاس سميد
كاس حليب بودرة
ملعقة بكنج بودر
تضرب بالمضرب اليدوي جيدا
نضع نص الكمية بالصينية
ثم نضع فوقها الحشوة المكونة من التالي :
5 ملاعق نشا
كاس ونص حليب سايل
(تحرك على النار حتى يغلظ قوامه )
الصور توضع الطريقة
ثم تغطى بباقي الكمية من البسبوسة
هنا بديت اغطيها بيدي شوي شوي لان في صعوبه بعض الشي
وتدخل الفرن شوي من فوق وشوي من تحت
حتى تنضج بعدها سقيها بالشيرة
وبالهنا والشفا
اترككم مع الصور :
بعد ماخرجتها من الفرن
هنا شوفوا الحشوة من جوا كيف يم تهبل
تعبت بتنزيل الموضوع لاتحرموني ردودكم وتقيمكم لي اذا استاهل
دمتم بامان الله حبيايبي