إدآآم صيني بس بطريقة ميشو الحلوة

.
السلآم عليكم ورحمة الله
صبآآح ال ..
كيفكم أحلى فراشآت بالدنيا كلها .. يارب تكونو منآآآح
جيتكم اليوم ومعي طبق كنت حابه أعمله منذ مبطي .. وأخيرا عملته
طبق سهل وبسيط .. ولذيذ بشكل ما تتصورونه ..
راح أسرد المقادير والطريقه .. ويارب تجربونه ويعجبكم
.
.
.
المقآدير
صدور دجاج مقطعه قطع وسط
فلفل رومي + جزر + بطاطس + زهر + مسلوقين نص سلقه
طماطم + بصل + ثوم + فلفل حآر لو حابين
صوص الصويا + كآتشب + زنجبيل+ زبده 20 جرام
بهارات + بهارات باربيكيو + ملح
.
.
.
الطريقة
نحط البصل مع زبده 20 جرآم ..الين يلين البصل فقط ونضيف الثوم وشوية زنجبيل
وبعدها نضيف الدجاج ونقلب لمدة 5 دقايق ..
نضيف صوص الصويا والكاتشب ونقلبهم مع بعض .. الين يبتدي الدجاج يستوي تقريبا
نضيف الفلفل الرومي والجزر والبطاطس والزهر .. ونحركهم مع بعض ..
وبعدها نحط البهارات كلها مع الفلفل الحآر ونقلبهم ولو أحتآج تضيفي شوي صوص الصويا كمان ضيفي
نحط نص كوب مويه ونخليهم يطبخو مع بعض الين تنشف المويه تقريبا ..
وتقدم مع الأرز بالبازاليا والذره والجزر ..
وهني وعافيه على قلوبكم
وأي سوآل أنا حآضره لعيونكم
.