ابحثوا معي عن هذه الحلى في هذا القسم

عـــــطــــ المحبــةـــر

10-01-2022 - 04:07 am

السلام عليكم فرشات
أمس كنت اتصفح قسم الحلويات
وفتحت على موضوع لعضوه من العضوات نسيت اسمها
وكانت الطريقة تتكون من
بيبي كروسان بالشوكولاته الجهاز اللي يبع بأكياس بريال
وتصفينها بصينية متحركة وفيها جين كيري ونستلة
المهم ياليت اللي تعرفها تحطه هنا لاني اليوم بحث عنها ولم أجدها
أرجوكم ساعدوني

التعليقات (2)

ام بدووور

10-01-2022 - 07:01 am

كاتبته الخت جنا واسمه حلى طعمه مثل السينامون
عندي لكم يا أخواتي حلى جديد وروعه من شفته وذقته قلت لازم أعلم أخواتي الفراشات عنه
المقادير
كوراسان حجم صغير بالشوكولاته وهذي صورته
ملعقه كبيره سكر بني وممكن زياده حسب الرغبه-أصبع زبده-ملعقه كبيره قرفه-6حبات جبن كيري-نصف علبه كبيره حليب مركز محلى
الطريقه
نذوب الزبده على النار ثم نضع الكوراسان مع السكر البني مع القرفه مع الزبده في وعاء كبير ونحركهم جيدا حتى تختلط جميع المقادير
ثم نحضر الصينيه القابله للفتح ونصف الكوراسان فيها بشكل طولي أي واقف مع مراعات عدم ترك أي فراغات
ثم نخلط في الخلاط الجبن الكيري مع الحليب المركز المحلى
ثم نصبه فوق الكوراسان وندخل الصينيه في الفرن لفتره بسيطه جدا لتتماسك الطبقه العلويه مع مراقبته لكي لا يحترق
ثم بعد أخراجه من الفرن نزينه بشوكلاته هيرشي السائله
وهذه صورته
ملاحظه:
يفضل أكله بعد أخراجه من الفرن بقليل وبدون أدخاله لثلاجه
وبالهناء والعافيه جرربوه ترى الكل بينهبل عليه ويحس أنك تعبانه عليه وهو ولا أسهل

عـــــطــــ المحبــةـــر

10-01-2022 - 08:02 am

جزاك الله خير
الله يفرج لك كربك وهمك
ويوفقك ويسعدك ويرزقك من حيث لا يحتسب
على هالمساعده والله ما تدرين وش كثر فرحت ما توقعت احد
يعطيني وجهه قلت يمكن اني اتوهم انه فيه هذا الحلى بالمنتدى
لكن رديتي واثلجتي صدري
الله يجبر بخاطرك في الدنيا والاخرة ويحفظك ويستر عليك

كيكه الانانس خطيره مره←
حلى جدييد وروعه طعمه مثل السينامون لا وأحلى بعد ومع الصور طبعا→