ابغى طريقة الشوربةبالكريمةالبيضاء لرمضان ارجوكم

معليش حتا انا احبها بس ما اعرف
وان شاء الله البنات يفدونا

ياليت الفراشات يفيدونا أنا بعد ابغي الطريقة

الحين اسأل..
هي نفس الشوربه البيضاء؟؟؟
لاني اعرف الشوربه البيضاء لكن مااحط كريمه ..
وذا كانت شوربه يحط به كريمه بيضاء اول مرره اسمعه نبي البنات يفدوننا..

بنات
حريم
طباخات
وينكم؟؟؟؟؟؟؟؟؟؟؟؟؟؟
الله يعافيكم افيدونا
ترى بأبكي من القهر
تكفون

مرحبا بنات ,,, بقولكم على شوربتي وأتمنى تعجبكم ,,
أنا بصراحة تعجبني وأحسها خفيفه ...
نص القدر ماء يغلي مع حبة ماجي واضيفي الخضار اللي ترغبين فيه(ذره_جزر ألذ شي مع دجاج مسلوق ومنتف) وفيه ناس ماتضيف الدجاج وتحب الفلفل الاخضر يعني الخضار على رغبتك ..
في الخلاط : 3 ملاعق شوفان _ 3 ملاعق دقيق
3 ملاعق حليب بودره ونص الخلاط ماء (وإذا تبينها ثقيله مره قللي ماء سواء اللي في القدر او اللي في الخلاط) ..
بعدين صبيها على القدر وحركيها كل شوي لحد ماتحسينها بدت تثقل ... وبالعافيه ,,,,,

أماني العمر
تسلمين يالغلا
ما قصرتي
الله يعطيك العافية شكلها حلوة مرة
ان شاء الله راح اجربها

انا عندي طريقة سهلة ولذيذة نفس الي في مطعم كاندل روج
تسلقين الدجاج وتخلي اللحم يعني تنتفيه
طيب تجيبي قدر وتحطي شوية زبدة وتحمسي فيها الدقيق حوالي 4 ملاعق
ولما تصير ريحتها حلوة كانها عصيدة خفيفة
تحطي عليها مرقة الدجاج الي سلقناه
اوكي وتحركي الين يتخن شوي
ولمن يغلي الخليط تحطي علبة قشطة التاج وتحركيها شوي
وف الاخير ضعي الدجاج المخلي وبالعافية
والله العظيم انا اموت فيها ولذيذة وزوجي ينهبل عليها حتى بنتي
بس عندي طلب ادعو للي علمتني الطريقة بالذرية الصالحة لها 11 سنة تحلم بطفل
الله يرزقها يا كريم

انا اموت باانواع الشوربه لان بنتي تحبهم وكتبت موضوع ابي طريقه
اتمنى كمان احد يكتب لي ولصاحبة الموضوع ولاي وحده تبي تستفيد
وراح تلقون الاجر
مانستغنى عنكم
ورمضان كريم

اشبكم ما عجبتكم الطريقة
انا كتبت لكم وجربوها