ابي طريقة حلا روعه الله لايحرمكم غالي ويحرم وجيهكم عن النار

خوذي حبيبتي هذا الحلى دايم اذا جاء زوجي ضيو ف اصلحة لة ينفع لهم وحلو مررة بس تصلحينة من الليل علشان يبرد مقادير الطبقة الاولى
1كاس حليب بودره نحمسه عالنار حتى يصير لونه ذهبي
3/4 كاس سكر
5 بيضات
1/2 كاس زيت
1 ملعقة طعام بيكنج بودر
1/4 ملعقة طعام نسكافيه
تخلط جميع هذي المقادير بخلاط الكاس جيدا حتى تمتزج‘وبعدين نحطها بصينيه بايركس
مستطيله وندخلها الفرن على درجة حراره متوسطه مثل الكيك
لمدة 1/3ساعه او انك تختبرينها بعود اسنان او سكين وتتاكدين انها استوت
مقادير الطبقه الثانيه
8 حبات جبن كيري
فنجان سكر
فنجان حليب سائل طازج مثل نادك ندى اللي موجود
تخلط في الخلاط زين ثم نضعها فوق الطبقه الاولى بعد ماتستوي
ونرجعها الفرن مره ثانيه بس هالمره
نشغله من فوق دقايق بسيطه بس حتى يجمد الخليط ويتماسك.
بعدها الطبقه الاخيره:
3/4 كاس ماء
3 ملاعق طعام حليب بودره
2 ملعقة طعام كاكاو بودره(هنتز)
كيس واحد كريم كراميل
توضع عالنار وتحرك جيدا حتى تغلي وبمجرد ان تغلي خلاص شيليها عن النار.
تسكب فوق الطبقة الثانيه برفق ثم تزين بحبيبات الهيرشي والشوكلاته
السائله وتدخل الثلاجه ..ثم اذا حبيتي قطعية دواير بعلبة الباكنج او تقطعية مربعات على كيفك
وبالعافية......................

حلا وردات السليكون واشترى شوكولاته ملونه من الخبازين اللى بجنب ماما نوره يقولونواو

ماجربتي حلا الماركه روعه والرجال عندنا يموتوا فيها مو مصدقين انها شغل بيت وماتخرب اذا طولت بره الثلاجه وسهله التحضير>>>>>>>>>>>>>>>اسويلها دعايه ههه

في حلى سهل وخرافي ومايخرب بره 5 باكيتات اوريو يطحن ويخلط مع نص القشطه ويرص في صينية البايركس الكبيره الطبقه الثانيه تخلطين علبة حليب مركز مع 7 حبات جبن كيري مع نص القشطه الباقيه ثم صبي نص الكميه على الاوريو اللي بالصينيه بعدين جيبي مارشمليو(خدود البنات) الملون ان كان الكبار قطعيه صغار لارباع تقريبا وان كان صغار فحطيه على طول بس الكبار افضل بعدين جيبي دمعات او مارس اواي شكولاته تحبين اوكل الانواع عاد افضل بالكميه اللي تبين
بعدين صبي الكميه اللي باقيه من النستله المخلوط
بعدين دخليه الفرن من تحت على نار هاديه لحد مايجمد بس مو كثير
اذابرد جمليه بخطوط النوتيلا وقطعيه وشوفي المدح وسهل بس الشرح اطول وبالتوفيق

الله يحرم وجيهكم من النار وجزاكم الله خير ماقصرتو
بس وين الباقين خابرتكم فزيعات

مرحبا خيتو
انا بحطلك كم حلا جربتهم من منتداي الغالي
وبجط لك روابط البنات الي اخذت منهم الطرق وربي الي بحطهم الكل يسألني عن الطريقه
ربي يحرم وجيههم من النار
ويجزاك وياهم كل خير
اختك
الحب
هذا واحد
http://alfrasha.maktoob.com/alfrasha31/thread1158293/
وهذا اثنان
http://alfrasha.maktoob.com/alfrasha31/thread1228093/
وهذا ثلاثه
http://alfrasha.maktoob.com/alfrasha31/thread1464273/
هذابعض ماطبقت واذا حسيتي مودي مثل مودك ويناسبك ذوقي بالحلويات اعطيك باقي الحلويات الي طبقتها
>>>> من الملل اعشق تطبيق الحلا
وتقبلي مروري فديتك

ماشاء الله البنات ماقصرو

الله يحفظكم ويجزاكم خير وجنه عرضها السماوات والارض ويجمعنا واياكم بمستقر رحمته