احلى تتبيلة للفراخ المشوية

الفراخ المشوية من الاكلات المميزة واللذيذة والشهية فى المطابخ المصرية والعربية لذلك جئنا لكم بتتبيلة رائعة للفراخ المشوية نتمنى ان تنال اعجابك:
المقادير :
1 بصله كبيره مقطعه
1 طماطم كبيره مقطعه
قرن فلفل اخضر كبير مقطع
3 فصوص ثوم
ربع كبايه خل
2 ليمونه متوسطه هانقطعها ونستعملها بقشرها
فلفل حار (حسب الرغبة )
معلقة كبيرة زيت
معلقه كبيرة كاتشب
ملح - فلفل - كمون - كسبره ناشفه - قرفه - بهارات مشكله
الطريقه :
نجيب الفرخه وطبعا بعد مانغسلها كوبس اوى بالدقيق والخل والملح نقطعها 4 قطع او 6 على حسب الرغبه
نغرز السكينه فيها كده عشان نعمل شقوق صغيره علشان التتبيله
نحط بقى مقادير التتبيله كلها فى الكبه بتاعة البصل ونفرمهم مع بعض كويس لغاية ماتبقى سايلة
نصفى التتبيله دى كويس بالمصفاه ونعصرها بايدينا لحد ماتنزل السائل كله
وبعدين نحط الخلطه على الفراخ ونقلبها فيها كويس عشان الفراخ تتشربها
تتبلى الفراخ قبل الشوي بيوم وتسيبها فى التلاجة ..وبعدين لما تييجى تشويها على الفحم صفيها الاول من التتبيلة

• *لو عايزه تشويها فى الفرن

تجيبى صينيه وتقطعى فيها شرايح بطاطس وشرايح بصل وطماطم وفلفل اخضر وعليهم شوية مية صغيرين وترصى الفراخ عليهم ودخليها الفرن "
ولما تطلع تعملى لها فحمه سخنه عالنار وتصبى عليها شويه زيت وتغطيها بسرعه هاتاخد نكهة المشوى(طبعا تحطى الفحمة فى ورق المونيوم )
نتمنى ان تكون الوصفة حازت على اعجابك وتكون استفدت معنا