ارحم حبي رواية رومانسيه جريئه جنآآآآآآآآآآآآآآن

منال تنادي الخادمه:راني شيلي الريوق انا خلصت...منال طلعت من البيت وقبل لا تركب سيارتها
قالت لنفسها اروح اشوف عاليه الحين اكيد قاعده من الفجر تذاكر هذا اذا كانت تنام
(بيت عمها راشد ابو عاليه بجمب بيتهم يعني جيران)
دخلت منال البيت ولقت مرة عمها تتريق..منال:صباح الخير خالتو.....
مرة عمها ام عاليه:اهلين حبيبتي كيفك؟.....منال:الحمدلله ام عاليه :تفضلي يا عمري افطري معي
منال:ثانكيو خالتي عليج بالعافيه انا فطرت وخلصت بس قلت امر على علوي اشوفها شخبارها؟
والوالد يسال عنها يبيني اطمن عليها....تسلمي حبيبتي ماعليها شر منيحه بس تقبرني هالكه نفسا
بالدراسه كتير حتى وشها تغير منال؟لا تخافين عليها خالتي كلنا قبل جذي بس اهي مزودتها حبتين وينها اهي قاعده؟... ليش عم بتنام هي ؟ منال:اوكي عن اذنج خالتي بصعد لها ...
تفضلي حبيبتي .... طقت منال الباب ....عاليه تفضل...منال:صباح الخير دكتوره ممكن اخذ من وقتج 5
دقايق.... عاليه:هلا والله صباح الورد بعد ما سلمو على بعض
منال:ماشا الله الناس حزت الامتحانات والدراسه يجكرون وانتي تحلين زياده ها؟
عاليه:لا والله عيونج الحلوه ولا انا ما شفت الحلاة ..منال:لا يعني ها تدرين انج حلوه
عشان جذي تتغلين المهم انتي شلونج بالدراسه شخبارج معاها طمنيني محتاجه شي؟
ترى ابوي يقولج لا تخلين في نفسج شي وانتي باخر سنه والمشكله علوي حتى دروس خصوصي
ما تاخذين....عاليه:يا حياتي انا ماحب اشتت نفسي دروس ومراجعات وغيره هذي الاشيا اهي اللي تخلي
الواحد يتلعوز وتشتت تفكيره ويحس ان كل شي حوله صعب فبالتالي...قاطعتها منال:اقول لا تقعدين
تتفلسفين.... ضحكت عاليه... منال:امتى بالضبط بتبدا امتحاناتج ؟
عاليه:بعد ثلالث ايام بالضبط..منال:امبيه ما بقى لج شي شنو اول امتحان؟
عاليه؟رياضيات....منال:ويع الله يعينج انتي تحضيراتج شلون اوكي؟
عاليه باذن الله تمام....منال:الله يوفقجيله بخليج ما يصير اعطلج اكثر من جذي
عاليه:لا تكفين خليج شوي...منال:من صجج عشان اذا سقطتي اكون انا السبب لا يبه
ضحكت عاليه ...منال باستها وقالت لها ابوي كان وده يشوفج ويطمن عليج بس انا بقوله ان
امتحاناتج بعد يومين ما تقدرين تشوفين حد....عاليه:شدعوه منول عاد الا عمي بندرلا عادي يبيني امر عليه ولا يبي يزورنا حياه الله...منال:حبيتي اهو مايبي شي خليج بدروسج بس بيطمن عليج
وانا بطمنه ..قامت منال بتبطل الباب عشان تطلع .. نادتها عاليه منال؟ منال:هلا
عاليه:فهد شخباره؟ ابتسمت منال:تمام....عاليه بتردد:ما يسال عني؟؟؟؟؟؟؟؟؟؟؟؟
منال؟والله انا ما كلمه واايد بس اكيد يسال عنج الوالد ...
عاليه ليه ما تكلمينه...منال:شفيج ماتدرين انه مسافر؟؟؟ عاليه:شنو م...مسافر
وين ؟امتى؟ليه ما قلتي لي؟............. منال:شفيج انتي مسافر من ثلاث اسابيع تقريبا بشغل
بعدين انتي مو فاضيه عشان نقعد نسولف بمواضيع تافهه مثل هذي....
عاليه بعصبيه :شنو تافهه نتي تدرين...قاطعنها منال بعصبيه:انا اللي ادري شي واحد ان المفروض
تركزين بدراستج وبس يله باي... عاليه مسكت منال قبل لا تطلع :منول بليز لا تزعلين مني
بس...منال:بس دراستج اهم الحين من اي شي صح.... عاليه اكيد
طيب بس قولي ليه سافر؟ منال:يعني ليه بشغل....عاليه وين ؟ منال:موبعيد الامارات
عاليه:شخباره؟ منال:تمام بيرد بعد ثلاث ايام بليز حطي بالج على روحج الحين بعدين
اللي تبين تسوينه سويه وانا معاج اوكي حبيبي؟ عاليه:اوكي
راحت منال وليما نزلت الصاله قالت لمرة عمها بليز خاله ديري بالج على علوي واي شي تحتاجه
قولي لي عنه...ام عاليه:تسلمي يابنتي انشا الله ما بيصيب الا يلي كاتبه ربنا
منال: انشا الله اوكي عن اذنج تاخرت عالجامعه.... اذنك معك الله يوفقك
طلعت منال من البيت وركبت سيارتها دقت عليها غدير بنت عمها غدير منال:هلا غدوره
غدير ها شخباج..منال:الحمدلله... انتي شلونج؟.. غدير:ماعلي وينج انا بالجامعه ما شوفج ؟
منال:كاني بالطريج ....غدير اوكي عطيني رنه اذا وصلتي... منال:اوكي
وصلت منال للجامعه وشافتها غدير من بعيد غدير:يالخايسه ليه ما عطيتيني رنه؟
منال:اسم الله ناطرتني شعندج توني الحين دخلت.... غدير :ادري المهم تعالي معاي ابيج
منال:لا تكفين حدي مالي خلق باخذ جدولي واروح....غدير:شفيج ابيج شوي خلينا نشرب لنا شي وبعدين سوي اللي تبين لان عندي محاضره مالي خلقها.... منال ليش امتى صار لج خلق ؟
غدير:ويه تعالي قعدو بالكافتيريا غدير:شخبار عمي؟... منال:يسال عنكم
غدير:يوه بليز لا تقعدين تنقزين والله ان ودنا نشوفه مشتاقين له حتى ابوي بعدين عمي وابوي
بيتمون اخوان وعمر الفلوس ما فرقت بينهم...منال:الفلوس يا حبيبتي بالنسبه لبوي وصخ دنيا
وعمره ما عطاها اهتمام .....غدير:وابوي بعد والا تشكين فيه بس اهو ما وده ان شقى العايله واسمها
يضيع عل اشيا مالها معنى.....منال:مالها معنى؟؟؟؟؟؟؟؟؟ حدج غريبه انتي وابوج اللي اهو عمي للاسف عمي مستعد يفرط بلحمه ودمه ولا يفرط بدينار...
غدير:لا منول لا تقولين جي على ابوي ابوي يحب اخوانه بس اهو يحسب للياي ويفكر فيه
تدرين المستقبل ما نعرف شنو يخبي لنا..منال:اللي كاتبه رب العالمين بيصير بعدين ما صار شي
يستحق ان عمي يتضايق جذي وما يزورنا لا ويهدد ابوي وعمتي عليه
غدير :انت تدرين شنو اللي ضايقه...منال:والله ليما ابوي يفكر في بنت اخوه المتوفي وزجته
ويراعي حلالهم هذا شي ما يغضب حد عمي راشد الله يرحمه له كثر نصيب ابوي وابوج
والا شراج؟؟؟؟؟؟؟...غدير:انتي بنفسج قلتيها الله يرحمه بعدين شتبي مرته عايشه احسن عيشه
ما تحلم فيها في بلدها وبنتها عشتو عمي مستعد يسوي اي شي بس السندريلا بنتها تبتسم
منال:والله يا حبيبتي اذا اهم عايشين بخير فهذا مو بخير ابوي وابوج مثل ما تعتقدين هذا
حلال عمي نصيبه وبنته اولى فيه وهي وامها موحرام ولا عيب اذا ابوي يدور راحة بنت اخوه
لانها مثل بنته وبعدين لا تصيرين متطرفه بارائج كونج ما تحبينهم شي وكونج تقولين الحق شي
ثاني........غدير:ماحبهم ليه؟؟؟؟؟شبي منهم مالي شغل فيهم ولا لهم شغل فيني بعدين خلينا من
هالسوالف ابوي وابوج اخوان ومصيرهم لبعض واحنا ماياثر علينا اي شي بالعكس المشاكل
الصغيره هذي المفروض تقوي علاقتنا اكثر....... والا
منال:اكيد بعدين ابوي عمره ما يشيل على حد فما بالج اخوه وعياله؟؟
غدير:لا يعني ابوي اهو اللي .......قاطعتها منال: ابوج وابوي الله يخليهم لبعض واحنا انتي قلتيها بلسانج
مالنا شغل فيهم يله غيري الموضوع وعطيني اخر اخبارج
غدير:اخباري من اخبار حبيب قلبي.............. منال بينه وبين نفسها:يا ملغج بدت الاخت
غدير:والله ما غمضت لي عين من سافر وليما سافر خالي بو زياد الامارات الاسبوع اللي طاف بغيت
اروح معاه بس امي ما رضت عشان الجامعه الزفت........
منال:شتسوين بالامارات؟ غدير:لا تتغيشمين................... منال:عشان فهد يعني
غدير:ومنو غيره حبيب قلبي وعمري ليه فيه انسان بالدنيا يقدر ياثر فيني غيره
منال:يا خطير ..تدرين فهد ما يحب هالكلمه..............غدير:اي كلمه؟
منال:هذي حبيبي وحبيب قلبي وحبيب عمري يعني لو يسمعج تقولينها بيحتقرج
غدير:ليه يحتقرني مافيه حد ما يحب الكلام الحلو وبعدين لنتي شدراج فيه............
منال:شلون شدراني فيه؟انا اخته وادري عن كل شي في حياة فهد..فهد انسان جدي حتى كلامه قليل وما يتكلم الا عند الضروره يعني ما يحب الشخص اللي يتكلم وايد وما يحب الانسان الرومانسي والعاطفي...........غدير:هذا لانه ماحب ولو يحب هالكلام اللي تقولين انه ما يطيقه بيصير موضوعه بكل حزه ومصيره يحب وبتشوفين بعينج......زمنال:ايه خير انشا الله يحب اقصد يحبج
غدير تتمسخرين علي بتشوفين وبتحداج........منال:اوكي حبيبتي مشكوره ما بشوف شي
غير جدولي وبس مليت من هاالاسطوانه عن اذنج........غدير بعد ماراحت منال:الله لا يردج
انا شلي مخليني احتمل اسلوبج الزفت وياي غير فهد بتشوفين ان ما خليتج تندمين على طريقتج
معاي واستخفافج فيني ماطلع غدير وخل تنفعج بنت الغريبه
.................................................. ....
ابو فهد (بالشركه)يطق الباب عليه.بو فهد:تفضل......محمد(سكرتير بو فهد)عمي وصل فاكس فهد من اامارات ويقول ان كل الامور ما شيه تمام وان التشكيله الجديده من المهندسين وصلت من مصر وبعد
يومين بيوصلون بالديره.........ابو فهد:الله يبشرك بالخير يا محمد الله يعطيه العافيه فهد
محمد:اي والله عمي ..عمي فهد بصراحه لولاه جان ماعرفنا شبنسوي بهالشركه
بوفهد:الله يعطيه العافيه اتصل انت يا محمد بشركائنا في مشروع المركز التجاري وقولهم
ان المهندسين بيوصلون بعد يومين ...محمد:صار عمي عن اذنك..........
دخل خالد ولد اختهه منيره:صبحك الله بالخبر خالي...هلا خالد .......ولد خالك السبع ظبط مشروع مصنع
الالومنيوم بالمارات اللي بغينا نلغيه واشرف عليه بنفسه وبيطرش لنا مهندسين بعد يومين بيوصلون
الديره لمشروعنا مع بومساعد وبو بندر........خالد:ما ينخاف على فهد وياخالي تفكيره كان صح
ليما رفض يلغي المشروع بالامارات لان الالومنيوم هاليومين مهم جدا وبو فزاع شريكنا وصديق
للعايله من زمان عمره ما شار علينا الا وفيه مصلحتنا ويكفي وقفاته ويانا واستقباله لنا ايام ما نكون هناك.......ما كلمت خالي غانم؟.........بو فهد:والله يا ولدي انا ما بيني وبين خالك غانم شي
هذي كلها شكليات صغيره لا تحط في بالك انا متعود عليه.خالد:الله يخليكم لبعض بس اهو كلم امي امس وقالها ان يبيه تشاركه بالمشروع اللي كلمنا فيه ورافضناه وامي رفضت وقالت وماودي يشيل
عليها لانها.....قاطعه خاله:خالد ياولدي لا تشبل بال احنا عمرنا ما اثر علينا شي وعمك صج
انه يصير عسر احيانا بس قلبه ذهب وانا لو عندي ميزانيه تسمح ما كنت عارضته بس احنا حدنا
ما نقدر نبدا باي شي جديد لان مشروع الامارات والمول خسفو الميزانيه
خالد:صح وعشان جذي خالي طلب ان ناخذ من نصيب عاليه وامها....................
بو فهد:هذا حرام يا ولدي عاليه امانه برقبتي اهي وامها وحرام نستغل مال انسان يتيم حتى لو كنا
عمامها يكفي ابوها انحرم من حقه بعد نحرم بنته............خالد:ونعم الراي عمي الله يعطيك العافيه
.................................................. ........................

ان شاء الله تنال على اعجابكم ..
واذا شفت تفاعل راح اكملها بإذن الله ..
أهم شيء الردود
يالله سي يو

ان شاء الله تنال على اعجابكم ..
واذا شفت تفاعل راح اكملها بإذن الله ..
أهم شيء الردود
يالله سي يو

اهلين اختي عنيده شكل روايتك خيال
بس ماراح ابدئ اقراها الا اذا قلتيلي اذا الروايه كامله عندك او لا لاني اخاف اتحمس وفي الاخير تطلع مو كامله

الوفية دوم
مشكورة على مرورك .. بالنسبة أنها كاملة أو لا
بصراحة أنا عندي أجزاء كثييرة بس مو كاملة .. الكاتبه لسا ماكملتها ..

يالله يا قلبي ماراح افوتها راح اقراها
بس بليز واتمنى انك ما تطولين في تنزيل البارتات
انا قرايتي سريعه واتحمس معاها بسرعه
مشكوره يالغلا

جنان وتهبل
بس بليز نزلي بارت ويكون طويل
بجد تحمست معاها
واكثر شي جذبني للقصه فهد وعاليه احسهم هم احداث الروايه

من عيوني يالغلا الحين أنزل لك ..
وصح عليك فهد وعاليه هم أهم شخصين في الروايه ...

بيت(بوفهد)....الخادمه تطق الباب على منال..منال:نعم دشي راني ......بابا ابو احمد تحت بالصاله
منال:عمي غانم اوكي روحي انتي انا بنزل....نزلت منال الصاله......قوه عمي سلمت على عمها
ابو احمد:هلا والله ها تذكرين اني عمج للحين..منال:اكيد ليش احد قالك اني فاقده الذاكره..
بواحمد:ما شا الله عليج ردودج جاهزه.....منال:عمي شفيك ليش جذي احسك متغير حتى طريقة
كلامك انت عمي اخو ابوي مستحيل اني انساك او اتجاهلك وابوي نفس الشي وانت مو بحاجه
لدليل على هالشي.....ابواحمد:انا ما فيني شي بالعكس كل الموضوع اني مشتاق لكم الشركات صار لي اسبوع ماروح لها ومادري عنها وبصراحه اشتقت لبندر ودي اشوفه بس قلت ماني ماره الشركه
لاني ان دخلتها بتنرفز قلت امركم هنيه واتغدى بالمره عندكم......منال:حياك بيتك ما تحتاج عزيمه عليه
ابو احمد:الا انتي شلونج ؟......منال:الحمد لله......وفهد شخباره ما كلمتوه؟........
الحمدلله عمي كلمناه كلها يومين ويرد.........منال:عن اذنك لحظه عمي.........راحت منال
تتصل على ابوها:قوه يبه.....هلا يبه....عمي غانم عندنا ويبي يتغدى معانا تعال بسرعه وا عليى حده
مشتاق لك وبليز اذا وصلت لا تطري الموضوع اللي تزاعلتو بسبته لانه مايبي يفتحه
يمكن حس انه ندمان.........ابتسم ابوها وقال:على امرج ياالحنونه........ردت منال قعدت وي عمها
وقعدو يسولفون ......بعده بساعه وصل بو فهد وسلم على اخوه بكل شوق وحب وقعدو يسولفون
ولا كانهم متزاعلين وتغدو وي بعض وليما طلع غانم من البيت .......اتصل بوفهد باخته منيره..
وقالها:يام خالد ابيج اليوم تروحين لبيت اخوج بو احمد وتتعشين عندهم انتي وخالد ما نبي امور تافهه تفرق بينا......ردت عليه اخته بكل ادب وقالت:انت تامر ياخوي وانا بغيت اروح له من قبل لا تكلمني بس بغيته يهدا شوي.......سكر ابو فهد من اخته وراح ينام
.................................................. ...........................
الساعه 8 بالليل(بيت بو احمد)ام خالد:قوه ام احمد شلونكم ؟....سلمت على مرة اخوها وقعدت
(ام احمد شخصيتها حلوه ما تحب تتدخل بين زوجها واخوانه وتحب العايله )
ام احمد:شلونج وشلون خالد ليه ما جا معاج؟........والله بخير وخالد بيجي بعد شوي العيال شلونهم
وينهم ما شوفهم...... والله احمد طلع وي ربعه وبيجي عالعشا وغدير بالسوق وي بنت خالتها
تشتري نفنوف لملجة ولد اختي عادل ....اي عالبركه ملج على منو؟والله على بنت عمه.....
امتى؟....... والله الاسبوع الياي الحفله.....اي تستاهل ام عادل عاد فشله ما باركت لها لازم تعطيني رقمها ابارك لها ......انشا الله............. عبوره شلونها وي الحمال ..........والله ما عليها
اخوي وينه ....ابتسمت ام احمد وقالت بشوفه لج....قبل لا تقوم له جا غانم بنفسه ..
قامت اخته وسلمت عليه..تمويسولفون وقامت عنهم ام احمد........
ابو احمد:شلونج منيره؟....... انا تمام انت شلونك. ..... الحمدلله ما بغيت اشوفج والله اني مشتاق لكم
الله يخليك لنا واحنا اكثر.....تمو يسولفون وصلت غدير وقبل لا تدخل البيت شافت سايق عمتها وقالت:
جبح هذي شتبي يا يه...... راحت الصاله وسلمت على عمتها وصعدت دارها وقعدت تكلم نفسها
ايه تشوي نفسها اسكت يعني احب اخواني مالت عليج وعلى ولدج.......... وراحت تشوف النفنوف
اللي اشترته وليما قاسته راحت لكبتها وفتحته طلعت صورة فهد وقالت:اله انشا الله المره الثانيه اشتري نفنوف ملجتنا يا قلبي ..................................
وصل خالد لبيت خاله دخل الصاله وسلم على خاله ومرة خاله وقعد بالصاله.......
قال بو احمد لزوجته وين العيال دقي على احمد يجي خل نتعشى كلنا وي بعض ونادي غدير من دارها
راحت ام احمد لغدير ودخلت عليها بالدار ......غدير وينج يمه ابوج يسال عنج؟.....
وييه يمه كنت اقيس نفنوفي يهبل البسه تشوفينه ......انشا الله مره ثانيه الحين انزلي تحت تبوج يبيج
فشله ما قعدتي وي عمتج........ يوه شكو انتو وي بعض انا شسوي.....يمه فشله
عمتج من ومان ما طبت بيتنا وبعدين خالد وصل............. وانا شكو
يله عاد انزلي بلا سخافه.....غدير:انشا الله ....طلعت امها وراحت تزهب العشا وي الخادمات
غدير:مادري شتبي هذي هي وولدها.......
نزلت وسلمت على خالد:قوه خالد......خالد فز من قلب....هلا .....هلا والله غدير شلونج؟
تمام ....... خالد يحب غدير ويموت عليها واهي ما تحبه وايد مغروره عليه
واهي تدري انه يحبها مع انه ما عترف لها بس وااضح عليه من تصرفاته
وصل احمد وسلم على عمته وعلى خالد وقعدو يتعشون ......وخالد طول الوقت عيونه ما شالها من غدير
.................................................. ..............