اريد مساعدة

وعليكم السلام والرحمه
وكل عام وانتي بخير وصحه وسعاده
اختي اللقيمات الي بقولها هذي عن تجربه ومن سنوات وانا عليها وكل من اكلها يسال عنها مميزاتها
ماتشرب زيت ومقرمشه
مقاديرها:
حطي في العجانه 2 كاس دقيق مع ثلاثة ارباع بيالة زيت وشغلي العجانه لمدة دقيقه
ومن ثم رشة ملح وبيالة سميد ونصف علبة زبادي الصغيره وبيضه وحده وملعقتين صغيره خميره فوريه
ومويه على حسب العجينه تقريبا ثلاثة الكاس الكبير او اقل شوي وخليه يعجن 5 دقايق
وقفليه وارجعي كل ربع ساعه وشغلي العجانه لمدة ساعتين الساعتين هذي كل ربع ساعه فيها شغلي العجانه
ومن ثم شكليها بيدك في زيت غزير والنار وسط مايكون الزيت حار مره وقلبيه باستمرار ومن ثم انشليه من الزيت
ورشيه بعسل وقدميه...ولاتحطي شيره لانها تلين اللقيمات....واذا تحبين اسويها واصورها عشان تتابعين
ويكون ابسط برضوه حاضره بس بلغيني وانتي تبشرين
اما القرصان تلاقيه في الرابط هذا انا سويته بمقادير مضبوطه وان شالله بيفيدك وعلمينا وش يصير معاك
وتراني في الخدمه اختي
http://alfrasha.maktoob.com/showthread.php?t=361095
دعواتك لي اختي

شكرا ياريانة العود والله يعطيك العافية جربتها وحلوة وشكرا الف شكر

العفو اختي وربي يعافيك ان شالله
نزلت موضوع اللقيمات عشان خاطرك وقلت اخليها بموضوع مستقل عشان الكل يستفيد
هذا هو الرابط لو حبيتي لانه بالصور من مطبخي
http://alfrasha.maktoob.com/showthread.php?t=363668

اللقيمات ماقصرت الاخت ريانة العود
وتقدرين تلفين بالمنتدى وتلقين طرق عديده للقيمات
نجي للقرصان حطي القرصان طبقات مع المرق يعني
حطي شوي مرق ثم غطيها بالقرصان ثم حطي المرق والمره ذي مع الخضار
وهكذا بس المهم ماتكثري من المرق بن الطبقات
وخليه على نار هاديه الى ان يتشرب القرصان المرق
وبالصحه والعافيه
واي سؤال انا حاضره
دمتي بود

اذا كنتى تقصدى لقمه القاضى فهذه الطريقه عملنها اكتر من مره:
1 ملعقه صغيره خميره
1 ملعقه صغيره سكر
2,5 كوب ماء دافى او اكتر حسب الحاجه لان العجينه تكون سايله
3,5 كوب دقيق
ذره ملح
قطر او سكر بودره حسب الرغبه

شكرا يااخواتي وجزاكم الله الف خير