ازاي الزوج يعكنن علي زوجته ادخلو بسرعه

الصبح وانت رايح على شغلك وهى نايمة تعمد اسقاط اى شيئ او خبط الباب بصوت عالى علشان تصحيها هى كمان اشمعنى انت ؟ ولو حاولت ترجع تنام تانى قالها مادام صحيتى حضري الفطار بقى
اقوله تصدق ياحبيبي انا جعانه اوي انا هقوم اعملك الاكل علطول
اذا كنت بتتفرج على التلفزيون وهى عايزة تغير القناة قالها معلش الحلقة دى مهمة جدا واحد صحبى شافها على القناة الفضائية وقالى ان الحلقة دى هى المسلسل كلة 00 ولو كنت بتتفرج على ماتش كورة هيبقى الموضوع اسهل 00 كل ما حد من اللاعبين من اى فريق يمسك الكورة قالها معلش ثوانى بقى انا حاسس ان الكورة دى جون حتى لو كان حارس المرمى ماسك الكورة والماتش واقف لان فى واحد مصاب
( ملاحظة : اغلب النساء ذو ثقافة كروية ضعيفة )
ارد اقوله لو كان بيتفرج علي مسلسل اه تصدق انا سمعت انه فعلا حلو اهي فرصه بقي اتفرج انا وانت مع بعض
لو كان ماتش اقوله والله طب ممكن تفهمني بقي انا بسمع كتير كلمه اوت وكورنال انا عاوزه افهم بالظبط ايه معناهم عشان اتفرج معاك ومااسيبكش لوحدك او اجيب لب واعد اتفرج معاه واقزقز اللب بصوت عالي ههه
اصح يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللى عندكم فى المطبخ و 10 كوبيات لاعداد طبق بيض وسندوتش جبنة
طبعا يراعى ترك اثار سمنة على الارض مع ترك التلاجة مفتوحة وقشر البيض فى الحوض
ارد اقوله علي فكره ياحبيبي انا هبعت للشغاله بكره تيجي تنظف عشان مش هقدر الدنا اتبهدلت وانا ظهري واجعني اوي اليوم ياريت بقي تتطل لينا اكل جاهز او نروح ناكي في اي مطعم
لو عملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات 00 يرعى التجول وانت مستمتع بأكل الجاتوة امامها
ارد اقول مش انا خسيت كتير الايام الي فاتت عادي بقي لما اكل الحجات دي دلوقتي جت في وقتها كنت نفسي فيها اوي اوي او اقوله بلا رجيم بلا بتاع انا هاكل احسن يجيلي حاجه
متنساش رأيك فى طبيخها لو عاملة لحمة قالها حلو اوى الفراخ دى 00ولو طبخة بامية 00 جميلة اوى الملوخية دى حطة عليها اية ؟؟ ولو عملة كيكة قالها انا بحب اشرب شاى مع البسكويت الحلو دة !!
ارد اقول معلش ياحبيبي استحملني انا لسه مش ماهره لو عاوز بقي اكل حلو هات من بره جاهز او شغاله تيجي تعمل لحد لما اتعلم
او اقوله لا ياحبيبي دي كذا بس انت الي معندكش حاسه التذوق خالص لا انا لازم اعلمك بقي
لو طلبت منك تنشر الهدوم قالها حاضر مع ابتسامة حانية وبعد ما تخلص نشر الهدوم
ادخل عليها وقولها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك !
اقوله ياه فداك ياحبيبي معلش منا نشرت برضه انهارده الصبح غسيل غير ده ووقع مني حجات كتير ليك وانا هغسلها تاني
معلش بقي روح الشغل باي حاجه علي مالهدوم تتغسل وتتنشر
لو الزوجة قررت مسح الارضيات فى البيت حاول انك تروح وتيجى على المناطق
المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية
المره دي ازعق فيه بصراحه ههه
لو كانت مشغولة فى نظافة البيت او مع الاولاد وطلبت منك تغسل كوبتين الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوبية من الاتنين وهى مكسورة واسألها فى براءة ارمى دى فين ؟؟
ارد اقول فداك ياحبيبي بكره اشتريلي غيرهم تعيش وتجيبلي
وانت قاعد تتفرج على التلفزيون وهى طالع عينها فى تنظيف البيت وبعد ما تخلص وتيجى يدوبكك تقعد تستريح جنبك بصلها وقالها حبيبتى معلش ممكن كوبية مية علشان ضهرى بيوجعنى !!
ارد اقوله من عنيا واقوم وبعد لما اجيبها ادلقها عليه وااقوله سوري اصلي اعصابي سايبه لاني تعبت اوي اليوم في التنظيف
يارب المواقف تكون عجبتكم وانتظر التفاعل مع الموضوع

ههه الله يقطع ابليسك لو انا كان جاني سكر

ههه ميرسي هدي علي الرد
بس ليه ماقولتيش لو عاوزه تردي عليه ووتغلسي تقولي ايه؟؟
عاوزه تفاعل من كل الفراشات
لمجرد الترفيه يافراشات والضحك
ربنا مايجيب نكد ابدا ان شاء الله علي اي حد

ههه حلوه .

حلوه أوي ياأسيره
بس حاجه تنئط بصراحه
لول (( اعرف اتكلم مصري)

شكرا جوهره قطر
المصري بصراحه مفيش اسهل منه

حلوه انا لو زوجي يعملي كذا كان جاني الضغط والسكرههه
وتسلم ايديكي

ههه حلوه تصدقون بتكون حياة فيها آكشن بس مو على طوول كذا .

رنه خلخال اشكرك علي ردك بس سعات فعلا الحركات دي بتحصل (ربنا مايجيب ليكي الضغط ابدا ولا السكر )
حرم الوزير ميرسي علي ردك وفعلا الحياه فيها كتير بيحصل اكشن ربن ا يستر
انا احب اعرف كل فراشه ازاي تقدر ترد علي زوجها في الحالات دي ؟؟ بس زي مافهمتكم انه هزار ( عاوزه تفاعال اكثر مع الموضوع )