الباستا الإيطالي من مطبخ شمعة الجلاس حياكم شوفو الصور

بسم الله الرحمن الرحيم
السلام عليكم ورحمة الله وبركاته
من فترة طويلة وأنا أروح لمطعم معروف عندنا اسمه يم يم تري والطبق المفضل عندي هو الباستا بالدجاج والصلصة البيضاء وكان ودي أعرف الطريقة بالضبط مثل ما يعملونه وجربت وجربت كم مرة
وكل مرة أفشل ما يكون الطعم مثل اللي في خاطري ..
بس هاذي المرة قلت يا أنا يا يم يم تري
والحمد لله عملت الباستا وطلع الطعم أحلى من اللي كنت آخذه من هذا المطعم وبشهادة زوجي وأخواتي
واللحين بعد ما قصيت عليكم قصة حياتي ..
نبدأ ( بسم الله الرحمن الرحيم )
الباستا الإيطالي ***
المقادير
ثلاث صدور دجاج مقطع شرائح طولية
2 بصل متوسط مفروم ناعم
2 كوسة مقطعة شرائح طولية
2 جزرة مقطعة شرائح طولية
2 فلفل بارد مقطعة شرائح طولية
كمية من البروكلي
وكوب زيتون أسود
1 كيس خلطة البشاميل
1 قيمر (قشطة )
جبن موزاريلا مبشور
جبن بارميزان مبشور
1 كريمة للخفق ويبنج كريم
3 ملاعق أكل زيت زيتون
كوب خل أبيض
فلفل اسود + أوريجانو + توابل إيطالية
مكرونة فارفيللي – Farfale ( مثل الفيونكة )
+ المكرونة العادي أو بينه – Penne( الطولية )
أو اسباجيتي
1 مكعب ماجي
الطريقة
ناخذ صدور الدجاج ونقطعه بهذا الشكل
وبعدين ناخذة وننقعه في كوب الخل ورشة فلفل أسود مطحون لمدة 1/2 ساعة تقريباً
وهذا شكله بعد ال 1/2 ساعة
واللحين في قدر نحط البصل المفروم ونضيف عليه الثلاث ملاعق زيت الزيتون وبعد ما يصير لونه ذهبي فاتح والزيت يكون حار نضيف شرائح الدجاج بعد تصفيتها من الخل