البصاره علي طريقة ماما

الجو بارد ودي اكله بتدفي
بصو هي سهله خالص
1\2كيلو فول مدشوش
ربطة شبت وكسبره خضراء وبقدونس
نقعي الفول من بالليل علشان ما اخد وقت في السوا
حطي الفول وعليه الخضره وغطيهم وشغلي النار لغايه لما الفول يستوي ولو ما استواش والميه قلت زودي عادي
بعد كده اضربيه في الخلاط لما يبقي كريمي وما تزوديش ميه علشان احنا عايزنها تقيله وتربط بسرعه وانتي فاضل 1\2 الكميه وهاتحطيه في الخلاط حطي بقي
الملح حسب الرغبه-ملعقه كبيره كمون-1\2 ملعقه كبيره فلفل اسود
واضربيهم مع باقي الفول في الخلاط
حطي بقي البصاره في حله تاني وقلبيها وشغلي النار وسبيها تغلي غلوتين كده بعد كده صبيها في اطباق وسبيها تهدي شويه علي ما تعملي التقليه
عباره عن
2 ملعقه كبيره توم مفروم-2ملعقه كبيره كسبره ناشفه-زيت
حطي الزيت لما يسخن حطي التوم عليه يعني غطيه بالزيت ولما يبقي اصفر شويه حطي الكسبره وقلبيهم لغايه لما يبقي لونهم دهبي غامق
حطي التقليه علي البصاره من فوق وسبيها تبرد وكليها بقي مع بازنجان مقلي-فلفل مقلي-قرنبيط مقلي-شوربة عدس-سلطة طماطم وادعولي
الف هنا