الجبنيه اللذيذه والسريعه فقط في ربع ساعه

السلام عليكم ورحمة الله وبركاته
اخواتي المشاهدات ...اقدم لكن هذه الطبخه الحلوه
لذيذه جدا وفاضيه من جوا وسريعه ماتاخذ وقت وهذا الي محليها
كنت ناويه انزلها بعدين بس لضيقت الصدر اللي جتني والهموم
المحيطه بي وبأهلي من سنوات قررت انزلها اليوم لعلكن تدعن
من اعمق اعماق قلوبكن وبظهر الغيب<<وأركز على هاذي لي ولاهلي
(ولأخوي بذات احس هالايام تعبان حيل) وامي ابوي <<والله اني ارحمهم
اهئ اهئ اهئ اهئ اهئ اهئ اهئ
ان الله يفرج همومنا ويحقق لي مااتمنى بالدنيا والاخره عاجلا غير
اجل..أامين
وجزاكن الله خير على تفاعلكن مقدما
وش تبن ..خلاص قضت الطبخه عساه أعجبتكن؟؟
ألعب عليكن
كان هذا هو الموجز وإليكن الجبنيه بالتفصيل
وترى الصوره بحطها انشاالله بالرد الثاني
المقادير
كوب الا ربع ماء دافي وم ك خميره فوريه يخلطن ويتركن
دقيقه<<بس انا نسيت وخلطت كل المقادير سوا
ثم يضاف الى 2 كوب دقيق و3 م ك حليب بودره وم متوسطه بكنج
باودرو3م ك جبن سايل و2م ك زيت تخمر 10 دقايق او ربع
ساعه انا تركته ربع ساعه
بعدين تفردينها بسمك ربع سم تقريبا <<المهم ماتصير شفافه
لا أسمك شوي وتقطع وفي وقت التقطيع تغطينها عشان مايصير قشرها يابس وانتي تقطعين الباقيات <وترى اذا صار يابس وقليتيها يصيركأن فيها شطوب<<فهمتوا علي وتقلى وتوضع عليها الشيره
ثم تبلع بالهناء والعافيه
ملاحظه/ هالطريقه انا اخذتهامن وحده بعالم حواء
نسيت اسمها بس الله يجزاها خير
اتمنى تجربونها وتعجبكم
وتسوونها برمضان ان شاالله (الله يبلغنا اياه ويتقبله منا )
مع السلامه