القطاعه السحريه الحل الاكيد لكل موظفه

السلام عليكم ورحمة الله وبركاته
للموظفات مثلي واللي يعانون من اعداد الوجبات يوميا الموضوع هذا لها
بجد اخواتي كوني موظفه كنت اعاني من وجبة الغدا خصوصا اني اجي تعبانه ومالي خلق اطبخ
صح اني جربت افرزن الحمسه في الثلاجه لكن يبقى هم التقطيع اساسا هو المشكله
حتى شفت في موقع اعلان لقطاعه للبصل والخضروات طبعا مثل اي اعلان دايم تشكين في مصداقيته
سويت بحث في النت بشكل عام وخصوصا اليوتيوب الين اقتنعت فيها
والله يابنات وفعلا اقولها وانا مالي مصلحه بالموضوع ان هالقطاعه رحمه من ربي
صرت يوميا اسوي سلطه <<<<<< كانت هم بالنسبه لي
وماتاخذ مني والله الا بالكثير دقايق
البصل قطعت كميه منه وفرزنته
طبعا انا اقطع فيها البصل الطماطم الخيار الجزر البقدونس ( على طول اغسل نص الحزمه واقطع الجزء العلوي بالسكين وعلى القطاعه دايركت) وكمان الخس هذا اللي جربته فيها
ومثل ماقلت ماتاخذ مني سوا دقايق معدوده وصرنا ناكل يوميا سلطه
نجي للتنظيف طبعا الجزء المحتوي على الشفرات سهل تنظيفه مره لكن الغطاء الكبس هو اللي شوي يبي له شغل وهو يجي معاه فرشه اسنانها بلاستك تسهل عملية التنظيف
لكن للأسف انها ضاعت مني وصرت اعاني شوي من تنظيفها بس مع كيذا مافي مجال استغني عنها
طبعا اللي مخليها روعه انها يدويه وسهله وماتشيلي هم استخدامها مثل الاجهزه الكهربائيه
والله اني استاهل مكافأه احس اني سويت دعايه لها
طبعا نسيت اقول اني اشتريتها من محل في الرياض
بحاول انزل صوره لها