الكفته من مطبخ فراشه تجنن

كيف الحال يا احلى فراشات؟؟
اليوم جبت لكم عشاء سهل ولذيذ وسريع..
من ايدين الوالده الله يحفظها
المقادير والطريقه..*طبعا المتحدثه هي الوالده وانا علي اكتب*
بالصور راح تكون اوضح واسهل..
لحم *بقر* طازج مفروم
انا فرمته بالبيت لان المكينه موجوده عندي..
واضفتله بصل وبقدونس
وزودت عليه حبة بطاطس
واضفت له ملح فلفل اسود بهارات الموجوده عندي..(بزار)
لبست قفاز مطبخ وخلطتهم بقوه مع بعض لين ما تجانس وقسمته
قسمين
الاول ربع والثاني ثلاث ارباع
الثلاث ارباع خليتها للطحينيه
والربع للطماطم
جبت حبتين الى ثلاث حبات طماط وحبة بطاط وحده
ذي صورة الطحينيه السايله للي يجهلها..
حطيتها بصحن.
اضفت نصف ليمونه وحركتها بالمضرب اليدوي وطبعا راح تكتل
ضفت لها ماء فاتر وحركتها ..
طبعا الكميه كثر ما تشتهين يكون مرق الصينيه اذا تحبينها ناشفه قللي واذا رطبه زودي الماء شوي..
بعد كذا حطيت الصينيتين عالغاز وغلفتهم بقصدير..

• الطحينيه عالعين الوسط والطماطم عالصغيره*

وخليت الطحينيه تقريبا لين ما تستوي البطاط اما الطماط شوي لانه بدون ماء ولا اي شي بس على موية الطماط..
وذي صورهم بعد ما حمرتهم بالفرن..*من فوق*
سويت معها فتوش..
وقليت زهره بعد ما سلقتها خمس دقايق..
وصحتين وعافيه..