اللي دخلت الثنوي تجي وتعلمني ولا تبخل لأني على ابواب الثنوي

السلام عليكي كيف الحال؟؟تمام ان شاء الله..
شوفي حبيبتي أول شي توكلي على الله..
ثم ثانيا:<<<حشى عسكرية خ
المهم ثقي بنفسك ولا تخلين أحد يأثر عليك بالشي السيء..
ثالثا: خلي مرشدك ودستورك في حياتك في المدرسة الثانوية وغيرها القرآن والسنة..
رابعا: تخيري الصديقة زين وهذا بالفحص المجهري الدقيق لفكرها ودستورها في حياتها..
أخيرا وليس اخرا: أطلبي من أمك وأبوك الدعاء لك دايما بأن الله يسهلك أمرك ويعينك...
دعواتي لكي....وتقبلي مروري......
حطي في بالك هذي الأشياء دايم:
خلي عنك حركات المتوسط النحشات من الفصل والرسايل من تحت لتحت والخرابيط لأن زي منتي عارفة أولى دسمة وثاني وثالث معدل تراكمي...

لول
ههه
اختي انا مدرستي مافي ادشر منها
وبنات على كيف كيفك
بس الحمدلله مسكت نفسي عن ذولي البنات
وتعرفت على الصالحات منهم والحمدلله شوفيني مرتاحه ...
ومابني خلاف بس انتي توكلي على ربك وصلي استخاره ..
واذا متضايقه من المدرسه شوفيها من البدايه واذا ماعجبتك
دوري على مدرسه ترتاحين فيها وانقلي لها ...

حبيبتي وانا بعد كنت اول مادخلت خايفه
بس الحمدلله 3 سنوات مرت على خير
انتي هونيها انا كمان اختي الحين بتدخل الثانوي مثلك بس والله خليها على الله
اهم شئ توكلي على الله وذاكري
وسوي الي تبغين لاتحرمين نفسك من شئ ولا تموتين نفسك مذاكره
ههه شكلي بدل ماانصحك باخربك

والله وانا كمان وبجده تعرفون بنات جده
وانا في مدرسه ماني عارفته ولا شي حتى الحي بس الله يستر والله اني خايفه
ابي نصايح وارشادات وكيف انظم وقتي بين الاوقات

حبيبتي اللي حافظ نفسه حافظه سواء في مدرسه داشرة ولا صالحه
والله يوفقك ان شاءالله

ايه صح

هلا والله بالي اصغر مني انا طالعه ثاني وصدقيني ماكان فيه ارعب مني من الثانوي..
بس والله انها احلى مرحله بحياتي بعد المتوسط طبعا..
شوفي انتي لازم من اول يوم تتخيرين صاحبات كويسات عشان تكملي دربك معهم والافضل لو كان معاك بنات من المتوسط تعرفينهم..
النصائح:
انتبهي تسوين حركات في اول اسبوع خصوصا لان البنات بياخذون فكره على طول..
مثلا:
1/تسوين نفسك مره نعومه ودلوعه
2/تسوين نفسك العكس عربيجيه ومسترجله..
3/باختصار تتصنعين شخصيه غير شخصيتك..
ام ايش بعد!!!!!!!!!
ايه تذكرت حاولي تسولفين مع الي جنبك وراك قدامك عشان تكوني صداقه مع الكل ,, حاولي ان الابتسامه ماتفارق وجهك ابد ,, انتبهي تستحقرين بنت او تتريقي عليها خصوصا في بداية الايام حتى لو شفتي حركات بين البنات او اشياء غريبه ( بما ان مدرستك دشره)..
وتوكلي على الله واستخيري واذا ما ارتحتي للمدرسه مع السلامه في مليون غيرها..
وبالتوفيق حبيبتي
دعواتك..

اصلا كل مرحلة لازم فيها خوف
انا دخلت المتوسط بس تعرفين المتوسط صغار
يعني كنت باولى تسمعين حكي ويلاحقونك انك بزر
اكيد تعرفينها
بس الثنوي والله عاقلين وكل وحدة بحالها لانهم كبروا خلاص
مو الكل بس حتى انا بالثنوي مدرستي مرة قليلات ادب بس اذا صرتي بحالك محد يتحرش فيك او يضايقك وخلي نفسك قوية ورزي نفسك ولا تسوين نفسك خوافة
وصدقيني احلى ايام عمرك الثنوي يمكن ما تحسين بس اول ما تخلص السنة بتتذكرين كل شي ويصير حلو حتى لو انه شين
اله يوفقك
اتمنى اكون افدتك والبنات افادوك

وش دعوه ,, ما يحتاج الخوف ابدا ,,!!
ما شاء الله عليهم الفراشات كفوا و وفوا ,, ما فيه كلام اقوله زياده بعد كلامهم ,,
و الله يوفقك ,,