اللي فاتها النحف في بداية رمضان 13/9 موعدنا بإذن الله

1. بين الوجبات :


2. 1 حبة بسكويت ساده أو 1 بسكويت نخاله أو خيار وخس بالكميات المرغوبه

السلام عليكم ورحمة الله وبركاته
بنات أنا أول مره أكتب موضوع عن رجيم جماعي .. وترى ظهري عورني وأنا أكتب يعني الله الله بالردود والدعاء تكفون ..
أنا ببدأ ريجيم يوم السبت : 13/9/1429 هجري بإذن الله وأبي معي مجموعه تشجعني واشجعها
ومثل بقية القروبات الثانيه نبغى كل وحده تدخل كل يوم وتقول وش سوت وفي البدايه تقول كم وزنها وكم تبغى توصل له ا،،لريجيم اللي بنطبقة ريجيم أعطتني اياه دكتوره بكتبه لكم إن شاء الله ..
و إن شاء الله نطبقه مع بعض ، الريجيم كانت معطتني اياه قبل رمضان بشهرين أو ثلاثه وقبل رمضان بكم يوم رحت لطبيبه ثانيه لأن الأولى كانت مسافره وعطتني الثانيه ريجيم ثاني بس احس ريجيم الدكتوره الأولى أكثر مرونه وأسهل ..عشان كذا ابي نمشي عليه إن شاء الله ..
أنا وزني 72 كيلو وطولي 157 سم
أبغى ينتهي رمضان وأنا 65 كيلو بإذن الله
بكتب لكم الريجيم بس هاه لا تفشلوني أبغى بنات ينظمون معي ويكونون قد كلمتهم وجادات ..
الفطور :
نصف خبز بر أو واحد صامولي أو 2 توست
1 بيضه مسلوقه
1 كوب عصير طازج (بدون سكر)
2 حبة تمر
هذا أول خيار لك بالفطور أو :
1 ساندويتش جبنه قليلة الدسم
1 كوب حليب قليل الدسم
2 حبة تمر

بين الوجبات :

1 حبة بسكويت ساده أو 1 بسكويت نخاله أو خيار وخس بالكميات المرغوبه

ملاحظة: الفطور و اللي بين الوجبات هذا يتكرر طوال أيام الاسبوع بمعنى تختارين أي فطور من اللي فوق وتختارين أي شي من اللي بين الوجبات وانتبهوا لكلمة أو يعني ما يصلح تجمعين إذا لقيتي أو تختارين من الخيارات المحوطه قدامك ..وتقدرين تغيرين كل يوم فطورك على حسب الخيارات اللي عندك فوق يعني ممكن اول يوم تختارين أول فطور وثاني يوم تختارين الخيار الثاني بالفطور على راحتك ..
اللي بسويه إن شاء الله إذا أذن المغرب بأكل تمر وماء وبعدها أروح أصلي و أرجع أكمل فطوري اللي هو واحد من الخيارين اللي فوق وما أرجع أكل تمر خلاص يكفي اللي أكلته مع الأذان .
اليوم الأول :
بعد التراويح (يعني بين الفطور والسحور ):
1 كوب سلطة جبنة قليلة الدسم .(يعني سلطه وفيها جبنة )
1 حبة شابوره طبعاً بر .
السحور :
نصف خبز بر
1 كوب قطع دجاج مقطعه ومطبوخه على هيئة شاورما
سلطه عاديه
1 كوب عصير طازج وطبعاً بدون سكر .
اليوم الثاني :
بعد التراويح (يعني بين الفطور والسحور ):
1 توست محمصه مع 1 شريحة جبنة قليلة الدسم .
نصف كوب عصير طازج.
السحور :
نصف كوب أرز كبسة بدون دسم زياده (يعني كبسه عاديه بس ما يكون فيها دسم كثير )
نصف كوب زبادي قليل الدسم أو لبن قليل الدسم .
فتوش بالخبز المحمص .أو سلطه عاديه .
2 حبة تمر .
اليوم الثالث :
بعد التراويح (يعني بين الفطور والسحور ):
ثلاثة أرباع ساندويتش برجر مع الطماطم والخس والجبنه قليلة السم .
1 كوب عصير طازج .
السحور :
نصف مغرفه مكرونه مع الصلصه و اللحمه المفرومه .
سلطه خضراء
1 كوب عصير طازج
1 تفاحه
اليوم الرابع :
بعد التراويح (يعني بين الفطور والسحور ):
1 حبه شابوره
1 جبنه قليلة الدسم
نصف كوب حليب قليل الدسم أو 1 كاس عصير .
السحور :
2 قطعه بيتزا بالخضار والجبنه
تبوله بالكميات المرغوبه أو سلطه عاديه
1 كوب لبن قليل الدسم
2 حبة تمر .
اليوم الخامس :
بعد التراويح (يعني بين الفطور والسحور ):
تبوله حسب الرغبه
1 حبة شابوره
1 كمثرى أو تفاحه أو برتقاله
السحور :
1 كوب لبن قليل الدسم
نصف كوب أي أكله مختاره بدون دسم زياده .
سلطه خضراء
1 تفاحه .
اليوم السادس :
بعد التراويح (يعني بين الفطور والسحور ):
رربع كوب فول مدمس مع الطماط والبصل وواحد ملعقه صغيره زيت زيتون
خيار وخس وطماط
ربع خبز بر
السحور :
نصف كوب ارز حسب الرغبه
نصف كوب زبادي قليل الدسم أو لبن قليل الدسم
نصف كوب شوربه حسب الرغبه
سلطه خضراء
اليوم السابع :
بعد التراويح (يعني بين الفطور والسحور ):
1 توست مع الجبنه قليلة الدسم
1 كوب عصير طازج
السحور :
نصف كوب مكرونه مع الصلصه والدجاج
سلطه خضراء
1 كوب لبن قليل الدسم
1 برتقاله
انتهى
بنات الوجبة اللي كانت عشاء أنا خليتها لكم بين الفطور والسحور ووجبة الغداء خليتها سحور لأن السحور أهم وجبه خصوصا انها يصير بعدها فتره انقطاع طويله عن الأكل ..
وما ننسى نشرب ماء كثير
والرياضه بعد الاكل أو قبل الاكل بساعتين يعني المهم أنه ما يكون توك أكله وتمشين أو تاكلين وتروحين على طول تمشين ..
بالنسبه للمشي مشي بطيء لمدة 20 دقيقه بعدها خمس دقايق اسرع بعدها 10 دقايق سريع بعدها 5 دقايق هروله بسيطه ..هذي كل يوم تسوونها ..
+ تشوفين أكثر مكان سمين بجسمك وتسوين له رياضه يوميه مع المشي ..
وثلاثه ايام رياضه ايروبك ..
ام
ولا تنسون خل تفاح وزيت زيتون تدهنون فيه الاجزاء السمينه من جسمكم مع التدليك طبعا اذا كان ما يسبب لك حساسيه ..
والافضل ان كل وحده فينا تخلي هدفها في البدايه بسيط عشان ما يجيها احباط يعني مثلا نبي ننحف برمضان سبعه ثمانيه كيلو أو اربعه حتى والحمد لله نعمه ..
بنات ترى كل الكلام اللي قلته من كلام طبيبه وهي حتى اللي قالت لي عن المشي البطيء تقول يحرق الدهون القديمه المتراكمه و المشي السريع يحرق السعرات الحراريه ..يعني لازم مشينا يكون متنوع بطيء وسريع ..
لا تنسوني من دعواتكم لو سمحتوا