اللي ماهرة بالجريش تدخل

شوفي ياالاخت الغاليه
انا اسوي الجريش مع دجاج واذا انتي تبينه لحم ممكن استبداله
المقادير :
كوبين جريش
3 صدور دجاج مخليه من العظم و الجلد ( يكون اسهل عند الطبخ )
1 حبة بصله مقطعه قطع صغيره
2 فصوص ثوم مهروس
2 حبة طماطم مقطعه قطع صغيره
2 ملعقة معجون طماطم
1 علبة روب ( اكتيفيا الصغيره )
1 ملعقه صغيره من :
* بهارات دجاج
* كركم
* كاري
*لومي اسود مطحون
* كمون
*فلفل اسود
* ملح
طريقة التحظير :
1_ انقعي الجريش بالماء لمدة ساعتين
2_قومي بحمس البصل مع الزيت على نار هادئه الى ان يشقر لونه ثم ضيفي الثوم .
بعدها ضيفي الدجاج والطماطم والمعجون الطماطم واخيرا البهاراتواستمري بالحمس مع التقليب
( من الممكن ان تتحكمي بكمية البهارات)
3_اذا نضج الدجاج على النص قومي بوضع الجريش بعد تضفيته من الماء. واخلطي مرتين الى ان يتجانس الخليط معا
4_اسكبي عليه ماء يكون ثلاث ارباع القدر مع التقليب المستمر كل 4/1 ساعه على نار هادئه
مع مراعات تواجد ماء اضافي اذا احتاج الامر
5_ قلبي جيد لمدة 2_3 ساعات الى ان يستوي الجريش ويذوب الدجاج فيه . اخيرا ضيفي الروب وقومي بضرب الجريش جيدا وقدميه
6 اذا كنت تحبين الحشو قطعي بصله قطع صغيره واحمسيها مع قليل من اللومي الاسود المطحون والفلفل الاسود واسكبيه فوق الجريش عند التقديم مع شوية دهن عداني
وبالعافيه
واتمنى الطريقه تظبط معاج وتعجبج

اام نسيبه
مرة شكرا انا عمري ما سويت جريش و ما اكلته إلا مرة وحدة في حياتي عشان كدة ابغى اجربو ان شاء الله

أم نسيبة الله يعطيك العافية وماقصرتي أن شاء الله أسوية وأقولك وش صار.
bluebird شكرا على المرور
رابعة العدوية شاكرة مرورك