اللي وزنها 85 وتسهر لين بعد الفجر تجي عندي

1. من 73 الى 85 زياده 12 خلال 5 شهور طبعا ونفس الشي

صباح ومساء الخير ياحلوات
طبعا انا سالفتي طويله
بس ابحكيها لكم
اسمعو ياصبايا
انا عمري 24
وزني85
طولي 165
يعني دبيه
المهم انا متخرجه من كلية التربيه الادبيه بابها وجالسه بالبيت لاشغله ولا مشغله
طفش وزهق واكل ومرعى وقلة صنعه
طبعا انا دخلت الكليه ووزني 63 جسم خيال
وربي الكل كان يحسدني على طولي وجسمي
وكان اللي مميز جسمي هو خصري منحوت نحت
قولو ماشاء الله تبارك الرحمن
المهم استمر وزني مثل ماهو بالعكس يمكن نحفت لان الكليه كبيره وكنا دايم نفوت محاضرات وندوج بهالساحات طول اليوم
بسنه ثاني بدا يزيد الوزن حبه حبه بس مو زياده كثيره يعني زدت3 كيلو صرت 66 بس لازال الجسم الحلو ومو مبين عليه الزياده
بعد ماطلعت من ثاني لتالث بدات المشكله هاذيك الصيفيه تخيلو يابنات ماادري وش جاني هاذيك الصيفيه يمكن ضربت عندي الفيوز والا مدري
طبعا هاذيك الصيفيه سافرو كل اخواني وباقي السواق ماقد جا من بلده يعني ماطلعنا كثير
اكثر وقتنا بالبيت حتى الزواجات ماحضرنا الا اثنين او ثلاث
وانا من النوع اللي البس بالبيت اقمصه وسيعه علشان استحي البس بجايم قدام ابوي واخواني
المهم ومن الطفش صرنا كل ليله لازم نطلب عشاء من المطعم لازم صار عندنا مثل الادمان
فانتو تخيلو اكل مطاعم كل ليله وجلسه من دون اي حركه للجسم يعني مااتحرك ابد جالسه قدام هالتلفزيون والا النت والا اكل والا نايمه
لدرجة احيانا اطلب من المطعم وقت الغدا ووقت العشاء
ولا كمان ملابس وسيعه طول الوقت يعني ماراح تحسين بالزياده ابد
وكان عندنا بنهاية الصيف زواج لاحد الاقارب كان الزواج قبل رمضان باسبوع
وكنت فرحانه بالزواج علشان بقابل بنات خالتي
طبعا جاء يوم الزواج وجت الصدمه تخيلو اجي البس فساتيني ولا واحد دخل فيني بغيت انهبل
والله حسيت بصدمه قويه جدا جدا
طبعا قلت لامي ماني برايحه ماعندي لبس امي اجبرتني اروح ولبست من ملابس اختي اللي ماكنت اناديها الا يادبا ياحسافه صرت انا مثلها دبا
طبعا في الزواج الكل انهبل من الخوف
وش هالجسم ؟؟؟؟
وش فيك ؟؟؟ عسى ماشر ؟؟!!!!!!!!!!!!!!
قلت لا والله بس ..........................<<<مدري وش اقول وجهي الوان
طبعا رحت البيت ووزنت كم تتوقعون ؟؟؟؟
من 66 الى 76 زياده عشره كيلو
طبعا مافيه ولا اي شي من ملابسي يصلح علي ابد ورجعنا الكليه وتعالو شوفو التهزيء من صديقاتي وعلامة التعجب في وجوه البنات
وبعدها اتى رمضان الحبيب وعاد في رمضان اقطع ايدي لو كان احد يقدر يصلح رجيم
وانتهى رمضان ياحبايب وصار وزني
من 76 الى 80 زياده4 كيلو
ادري حتى انتو انفجعتو بس بكمل لكم لازالت المفاجئات موجوده
المهم تعرفون سنه ثالث الترم الثاني تطبيق وانا قلت مستحيل يجي التطبيق <<التربيه العملي
وانا بهالجسم وبديت انحف واقسى على نفسي ومشي كل يوم لين نقصت وصار وزني 73
من 80 الى 73 نقصت 6 كيلو خلال شهر
وبدات التطبيق طبعا البنات اللي معنا كانو يقولون جسمك روعه ومدري وشو
وصديقاتي يقولون بلاكم ماتعرفونها من اول لو شفتو جسمها السنه اللي فاتت قلتو لها جسمك يفضح
المهم حافضت على وزني فتره يمكن 3 شهور وبعدها انتهت السنه الدراسيه وجت الصيفيه ورجعت ازيد لين وصلت في شوال 85

من 73 الى 85 زياده 12 خلال 5 شهور طبعا ونفس الشي

رجعنا للدراسه في السنه الرابعه والجسم يجيب العله وفي يوم 28 /11 /1429 سجلت بنادي سحاب عندنا في ابها
والحمد لله بديت انزل واستمريت بالنادي شهر ووصلت لين 79 وحافظت عهليه لمدة شهر ثم رجعت اشتركت في شهر 2 ونزلت لين وصلت 71 الحمدلله وتركته وحافظت على وزني لين رمضان ثم بدا التخريب والرجوع لين رجعت الان 85 وبمو وت قهر
ومابي ارجع اشترك بالنادي لان عندي بالبيت سير ودراجه وحزام هزاز وصؤت عارفه التمارين
ومابي اعود نفسي على النادي يعني مو كل مره اشترك وبعدها اسمن وارجع اشترك مايصلح كذا
وابي ابداء ان شاء الله من يوم السبت القادم بتاريخ:18/4/1431
لكن ابي يكون معي احد يشجعني
ومشكلتي هي انا اجلس صاحيه لين الساعه 8 الصباح وانام لين المغرب
ادري انه مو كويس ويضر الجسم بس ماعرفت الا كذا
اصحى المغرب اكل اي شي وبعدها اجلس مع الاهل او عند التلفزيون ونتعشى الساعه 10 او 11 او 12 وبعدها جالسين مافيه الا حركه بسيطه او نطلع زيارات او احد يجينا
واستلم النت من 3ونص الى الساعه 8 الصباح ثم انام
انا ابي وحده تشترك معي يكون نظامها قريب لنظامي في النوم والسهر
نبي بالبدايه نتعرف على بعض ونخطط لنظامنا في الرياضه والاكل والنت وكل شي
ملاحظه هامه :
اللي راح تشترك معي بالقروب
لازم تدخل يوميا تحكي لنا يومياتها يعني
وش اكلتي؟
وش شربتي؟
وش عملتي من تمارين؟
ويجب تسجيل الوزن كل سبت
يابنات ياحلوات
انا كتبت طريقة رجيمي ونصايح لكم بالصفحه الثانيه
وباذن الله كل ماتذكرت شي مهم راح اكتبه لكم
يله انتظركم بفارغ الصبر