اللي يدخل الجامعه العربيه ادبي ولا علمي

حورية السعوديه

01-09-2022 - 08:00 am

السلام عليكم...
انا ناويه ادرس في الجامعه العربيه في الشرقيه..
بس ماني عارفه خواتي هل يقبلوني لاني ادبي وابي ادخل ادارة اعمال... وفي نفس الوقت خايفه من ادرة اعمال لاني مو شاطره بالحساب وبلاويه...
واذا ماقبلو ادبي ادخل بأي قسم؟؟؟
معليه باقي سؤال بعد طب وكم تكلفة الدراسه..؟؟ وكم سنه...؟
ونسبتي 73 ..
طبعا انا سجلت بكلية العلوم والاداب بالدمام ووقفت فجأه لمدة سنتين.. ومن دون مااقدم اي عذر..
وفصلوني... بس الحمدلله ع كل حال...
بس المفروض انا متخرجه الحين بس مالله كتب في الكليه...
لاطنشوني ردوو علي ضروري...
وابي اسأل سؤال يخص اختي هي بتتخرج السنه هذي بأذن الله وتبي تدخل هندسه هل هالقسم موجود عندنا بالشرقيه...؟؟
ربي يحفظكم ردوا علي..

التعليقات (7)

عسوله بس مسطوله

01-09-2022 - 11:03 am

قصدك الجامعه العربيه المفتوحه ؟؟؟

حورية السعوديه

01-09-2022 - 12:04 pm

يس...

عسوله بس مسطوله

01-09-2022 - 01:05 pm

اوكيه اختي
انا اختي تدرس بالجامعه هاذي بس فرع الرياض
وهم يقبلون عادي علمي ولا ادبي
حتى النسبه ما يناظرون لها
بس يقولون ان قسم اداره الاعمال شوي صعب
وفيها شويه رياضيات
ولعلمك خيتو الدارسه بالانجليزي مو بالعربي
اما بالنسبه للتكلفه حسب المواد اللي رح تاخذها
فرح تكون لك الحريه تاخذي لك ماده او مادتين
يعني ممكن تقول بالترم الواحد 5 او 7 الاف
بس
وتكون 4 سنوات تقريبا
وبس خيتو
واي اساله انا حاظره
حاضرين للحلوين

حورية السعوديه

01-09-2022 - 02:06 pm

يالله مره صعب اذا هو بالانجليزي...
طب كل الاقسام كذا...؟
زين لو ادخل دورة انجليزي ممكن استفيد...؟؟

~الوفاء~

01-09-2022 - 03:07 pm

اهلين بالغاليه الحلوة
انا بتخرج منها بعدد اسبوع ان شالله
والجامعه كلها باللغه الانجليزيه
ماعدا قسم تربوي على مااظن دبلوم مو بكالريوس باللغه العربيه
واول ماتدخلين راح يعطوكي كورس مكثف للغه الانجليزيه من عندهم
والله يسهلك يرب
والدراسه ترى على المذاكره بس ان شالله تسهل
اي استفسار عن هالجامعه تلقينه بموقع الجامعه ادخلي واكتبي اي سؤال تبينه راح تلقين الجواب والمعلومات الي تبيها
http://www.aoua.com/vb/index.php

عسوله بس مسطوله

01-09-2022 - 04:08 pm

هلا ياقلبي اتوقع اختي الوفاء كفت ووفت
باعطاك الموقع
واقولها الف مبروك عالتخرج مقدما
واذا تبين شي ثاني حنا بالخدمه

حورية السعوديه

01-09-2022 - 05:09 pm

مبروك حبيبتي..
والله كلكم ماقصرتوا ويعطيكم العافيه...
وعندي سؤال بعد
يقولون الايام هذي تسجيل صح؟؟ ولحد متى؟؟زين فيه اختبارات للقبول ومتى؟؟؟
ومشكورات حبايبي...

استفسار عن نتيجة اخي في الصف الخامس←
ساعدوني في النحو ثانوية عامة→