اللي ينتظر وش صار علي يدخل اليوم صار جديد عن موضوع هل لي حق يوم طلبت الطلاق الخ

بسم الله الرحمن الرحيم
شخباركم ؟
اللي قرا قصتي بموضوع انا (لي حق يوم طلبت الطلاق ولا مامعي حق>>ارائكم بعد ماتقرون قصتي)
انا وعدت بعض اللي طلبوا مني اذا فيه جديد راح اخبرهم وطبعا هو من ذاك السالفه انقطعنا عن بعض
واليوم حصل جديد
وهو ان زوجي جانا اليوم وقابل ابوي وتكلم معه
وقال ياعمي انا بنتك طلبت مني شي مو ممكن>>صارت شقه شهر مو ممكن اللي مايتعدا حقه 2000
وانا صرت ممكن يتخلى عني>>>لاكن وربي مهو حسوفه
وانا اليوم جاي البي طلب بنتك>>>اللي هو الطلاق
والله ياعمي انا ماودي لاكن هذي رغبته>>>نسى اني خيرته يازين امورنا ياطلقني وللاسف مافكر بالخيار الاول
وانتم على العين والراس
وابوي قال والله ياولدي اللي يريحك سووه ويإما تمسكها بالمعروف والا تسريح باحسان
قال واللي بيحصل تسريح باحسان
وطلقني
والحمدلله على كل حال وقدر الله وماشاء فعل
بس بقولكم كيف تلقيت الخبر وايش كان احساسي
كنت توني صاحيه من النوم وناداني ابوي بمجلس الرجال
ورحت معاه وقالي اللي كتبته لكم فوق الصراحه كنت عادي
وكاني داريه لاني سبحان الله كنت قبل اقوم حلمت بشي كان تفسيره
انو بيصير شي من هالنواحي ومماانصدمت بس قلت لاابوي هو نطق الطلاق قدامك
ولا نوا يطلقني قال ابوي لا هو طلقك قلت الحمدلله طيب والعده كيف يبه؟
يعني اقعد بالبيت مااطلع ولا اروح قال ابوي لا ياوليدي اطلعي بس انو العده الغرض منها
ماتتزوجين خلال الثلاث شهور لان يمكن يحصل تراجع وعشان يقطع اليقين بالشك انو مافي حمل
قلت طيب يبه انت ماقصرت وطلعت لقيت امي تبكي>>>للحين الوضع عندي عادي
وقلت افا يمه تبكين وانا صاحبت الموضوع مرتاحه ولاني بمتاثره يمه هو ماسعى ان الامور تتصلح
على طول تخلى عني وهذا اللي مخليي مرتاحه اكثر لانو بان ان مالي عنده اهميه واللي مااهمه مايهمني
قالت امي الطلاق صعب قلت اسمحيلي يمه لو اوصفلك راحتي ماتصدقين وانا اللي مريحي اكثر مستخيره
وداعيه ربي يكتب لي الخيره وفعلا يمه هذي الخيره
طبعا البيت كله مصدوم اني ماتاثرت ابد وخصوصا له قدر كبير بقلبي
لاتحسبون عشرة السنه هانت علي لاوربي لاكن اللي هونها علي ان ربي هو اللي كتب الخيره
والله سبحانه عند حسن ظن عبده
لاكن اللي مايسعى لقربي مااسعى لقربه
وبدوركم ادعولي ...