المقلوبه الصغيرونه بالصور حياكن وجبه سهله ولذيذه

السلام عليكم ورحمة الله وبركاته
هذي طبخه سهله بالمره وماتاخذ منكم نص ساعه بإذن الله
وسامحوني مانزلت الصور كلهن بناتي عندي من كل جهه الله يصلحهن
اول شي نغسل ارز باب الهند وننقعه افضل شي الكيس الكلاسيكي
وبعدين نكشن البصل ونحط عليه مويه فايحه وملح وبهارات غير مطحونه وورق غار
ونسوي بقدر ثاني لحمه مفرومه مع بصل وماجي وبهارات
ونقلي باذنجان ,,,,ونحمر صنوبر ولوز ونخليه على جنب
نشخل البهارات اللي بموية الرز ونرميها
,,,ونشخل الرز من المويه المنقوعه ونحط الرز بالقدر اللي سوينا فيه المويه ونرفع النار لين يتشرب المويه ونقصر عليه
إذا أستوى الرز,,,,,,نجي للفن عاد امزح موذيك الدرجه والله لو اني وحده من طباخاتنا الماهرات ههه
نحط
المكسرات بقدر او صينيه او اي شي غميق شوي والطبقه الثانيه لحمه مفرومه والطبقه الثالثه الباذنجان المقلي والطبقه الأخيره الأرز ونرصه بالملعقه بالشكل هذا
ونقلبه بصحن التقديم ونزينه بالبندوره والليمون والخيار والبقدونس وبالهناء والعافيه