المنتو الكداب ولا أطعم من كده أدخلو وشوفو بنفسكم ولا تكسرو بخاطري زي كل مره

هاي فراشات
كيفكم حبيباتي
اليوم جبتلكم طريقه منتو بس ايش والله جنان ومره سهل وما ياخد وقت ابدا
بس لا تحرموني من ردودكم اللي ترفع المعنويات
المهم المقادير هيا
عجينة سويتز الجاهزه
بصل مفروم ناعم جدا
4 فصوص توم مدقوق
لحم مفروم
شوية كمون+ ملح + فلفل اسود
الطريقه
تحطي على النار اللحم المفروم والبصل والتوم والكمون والملح والفلفل الأسود وتخلي على النارالين ما تستوي اللحمه المفرومه نص إستوى
وبعدين تاخدي العجينه وتفكي وحده وحده وتحطي شويه من الحشوه وتلفيها بس ما تقفلي الأطراف وترصي وحده لاصقه في وحده في الصينيه الين ما تخلصي وما يبقى مكان مره
بعدين تجيبي كاسه فيها مويه وتحطي فيها 3 ملاعق جبن سايل وترشي على الوجه وتقفليها بقصدير وتحطيها في الفرن لمده ساعه بس على شرط تقفليها مضبوط وكل ما تفتحي القصدير وتشوفيها تقومي تزودي مويه وترجعي تقفليها مضبوط الين ما تشوفيها استوت
تخرجيها من الفرن وبالعافيه عليكم
أمانه جربوها وصدقوني ما حتندمو
وأنا في انتظار رأيكم؟؟؟؟؟؟؟؟؟؟؟؟؟؟؟