المنتو الكذاب سهل وسريع ولذيذ

السلام وعليكم ورحمة الله وبركاته ..
صباَاَاح / مساَاَء الخير،،،
كيفكم عساكم بخيير ان شاء الله ..؟
اليوم بنزلكم طريقة المنتو الكذاب وبصراحه لذيذه مره وسهله مافي اسهل منها،،
وهذي الصوره
المقادير :
نصف كيلو لحم مفروم..
بصله وحده تقطع صغار..
ملح + فلفل أسود..
عجينة سمبوسه ..
الطبقه الاخيره :
1 قشطة..
2 ملعقة جبنه سايله ..
2 ملعقه مايونيز..
الطريقه :
اغسل اللحم مضبووط واحط عليه البصل المفروم والفلفل الاسود والملح على رغبتك ..
وبعدين اجيب عجينة السمبوسه واقطعها من النص واحشي كله وحده واحطها بالصينيه
لين تخلص ..زي الصوره ..
وبعدها اخلط القشطه والجبنه والمايونيز مع بعض واصبه فوقها زي الباشميل ..
واغطيها بالقصدير واحطها بالفرن على درجة حراره تقريبا 150 وبعد ربع ساعه
اطلعها وافتح القصدير وارجعها مره ثانيه تقريبا كلها على بعضها من عشرين
الى ثلاثين دقيقه تاخذ وقت..
وبعدها اطلعها واحطها بصحن التقديم وازينها بالليمون او على حسب الرغبه..
وهذي صورها بعد ماطلعتها من الفرن ..
وهذي بعدما حطيتها بصحن التقديم ..من قريب للتعذيب
وبس اتمنى انها اعجبتكم ..
واشوف ردودكم الحلوه
تقبلوو خالص تحياتي للجميع ..