الواتس اب قنبله موقوته

1. هل فعلا الواتس اب سبب مشاكل اجتماعيه بين الازواج ؟؟


2. هل فعلا الواتس اب قنبله موقوته تنسف البيوت اذا تم الادمان عليه ؟؟

بسم الله الرحمن الرحيم
مساكم الله بالخير
قصيدة زوجه رافضه بتأتا بأن يكون لزوجها واتس اب من غيرتها الشديده له
فقالت:
والله وأنا بنت الرجال المشاكيل
ماتحط الواتس اب ياعبيد عندي
ماني مثل باقي الحريم المهابيل
رجالها لآراح مرواح جدي
(بو ليت) ماعذرب كثير الرياجيل
ألو تكفي كان تبغى مردي
ماتنفع الموضه وكثر الأقاويل
وش فادة الموضه جدك وجدي
ياعبيد ذي والله سوات المهابيل
وان مانفع قولي طلاقي بيدي
والله وانا بنت الرجال المشاكيل
ماتشغل الواتس اب ياعبيد عندي
رد الزوج ابو عبيد على زوجته
والله وانا ابوعبيد راعي المعاميل
لانزل الواتس اب وانتي بحدي
ماهمني وان قيل عنا مهابيل
هذا تطور وانتي يابنت هدي
بوليت ماضي وال applطور الجيل
امشي مع الايفون كني افندي
دايم يونسني مع تالي الليل
وقصر على صوته وجيبه لخدي
لاصرت جالس والبشردمها ثقيل
عودت للي يوم ماصارضدي
اضحك معه ويجر عندي مواويل
ويوصل الاخبار لحد عندي
تطوري ودشي مع تالي الجيل
وخلي السوالف لاتزيدين التحدي

هل فعلا الواتس اب سبب مشاكل اجتماعيه بين الازواج ؟؟

هل فعلا الواتس اب قنبله موقوته تنسف البيوت اذا تم الادمان عليه ؟؟

المشكله انه صار مثل الادمان الزوجه او الزوج اللي طاح فيه ياخذ كل وقته فاصبح بدال مايسولف مع زوجته صار على الواتس اب والزوجه بدال ماتسولف مع الزوج صارت على الواتس اب ولا كأن الرجال موجود, طيب وش الحل الى هالدرجه الواتس اب يشغلك عن اللي حولك .
((((( طبعا الضحيه هم العيال اللي ماحولهم احد الام ماهي فاضيه يالله بس على الواتس اب والرجال نفس الشي )))))
( منقول )
تحياتي