ام زوجي كسرت شخصيتها قدامي والله ضايق صدري عليها مرة

1. مشكلتي موب مشكله كثر ماهي شي يحز بالخاطر واحس انه جرحني مرة

مشكلتي موب مشكله كثر ماهي شي يحز بالخاطر واحس انه جرحني مرة

انا توني سكنت جديد مع اهل زوجي لانهم سكنوا بيت جديد وانا كنت قبل ساكنه لحالي وتوني طالعه من ولاده جديدة يعني شيين جديدين مع اني احاول اتاقلم بس الشكوى لله
مشكلتي موب بالسكن معهم بس المشكلة اني مرة تركت غرفتي مفتوحه ونزلت ويوم رقيت لقيت الشي الصعب والكبير لقيت ام زوجي بغرفتي تفتح شنطتي ومحفظتي مرة انصدمت مرة مرة ماعاد ادري وش اقول ولا سالت ولا تكلمت عادي مرة بس هي كانت معطيتني ظهرها وصرفت الموضوع كنها ماسوت شي ودارت بالغرفة شوي مع العلم ان الغرفة غرفة ملابس بس وطلعت انا حسيت انها كانت بتاخذ فلوس وعادي ماقلت شي وبعدين رجعت تبرر لي قالت احسبها شنطتي لاني كنت ادور شنطتي مضيعتها ضاق صدري من تبريرها لانه واضح وش كانت تبغى سويت نفسي عادي ولا اهتميت ولا حتى فتحت الشنطة الا بعدين لقيت محفظتي مفتوحه واصلا ماكان فيها الا 100 ريال كانت مطلعه من المحفظة يعني كانت بتاخذها ولا امداها ورجعتها ذبتها بالشنطة مرة ضاق صدري مرة ودي اني ماشفت شي ابد والله موب عشان الفلوس بس عشان احس انها طاحت من عيني وكانت عزيزة مثل امي احس انها مدري ليش صارت عيوني تشوفها بشكل ثاني مرة مرة موب عشان انها بتسرق مني بس مدري احس انها كبيرة بحقها قدامي صعبت علي ادري انها محتاجه بس كانت تقدر تطلب مني ليش تفتح من دون علمي مع العلم انها كم مرة تطلب مني موب شي غريب عليها وانا مااحرجها تكفون والله احس بضيقة مدري ليش انا ماقلت الموضوع لاحد حتى زوجي ماعرف ولا احد حس بشي ابد ابد
مشكلتي نظرتي لخالتي اتعبتني احس كل مااشوفها ودي ابكي
مع العلم ان حاجتها موب ضرورية