انتي كسلانة في ترتيب بيتك تعالي وطبقي معي الجدول جدولي لترتيب بيتي

ياليت والله لو نلقى لنا جدول يفك ازمتنا
شفت جدوولك باقول رائيي فيه بعد التطبيق
انتي حاطة الاثنين كنس ومطبخ
يعين المطبخ والمواعين مع بعض ؟؟ مستحيل المطبخ ثلاث ارباع الوقت نقضيها فيه
والكنس بعد
يالله بسم الله بنبدا معك

البسمة الخجوله
يسعدني انك بتنضمين معي
وياللا نبدأ النشاط
طبعا اللي عندها اطفال بيختلف الكنس بيكون كل يوم تقريبا
أقصد بالمطبخ ..
مو غسل المواعين والطبخ لا هذا شي يومي
أقصد .. تمسيح الثلاجة الدواليب اي شغل بالمطبخ مايحتاج يوميا تسوينه فهمتي علي ..
سعيدة بانضمامك ..
يالله يابنات مين تنضم كمان ؟؟

تقسيم العمل على حسب مساحة البيت يعني اذا كبير ممكن يقسم اما اذا كان صغير لا عن نفسي شقتي صغيرة مرة ولا تنفع تقسيم كل الشغل في يوم واحد ههه
الله يعينا واياكم ان شاء الله

ماشاء الله عليك اختي شكلك منظمة كل يوم بيومه
حتى لو كان البيت صغير اذا خليتي الشغل يتراكم بتنحاسين ..

ذكرتينى بايام لما ماكان عندى شغاله
كنت انام بدرى الساعه 10 وعيالى انومهم 8 ونص
واصحى الفجر واصلى وانام واصحى الساعه 8....<<<<<<اذا صحو عيالى لازم اصحى افطرهم اما اذا ماحد صحى اكمل نومتى ل10.
وهذا جدولى
السبت(غسيل الملابس+كنس الغرف+الحمامات)
الاحد (الكوى+الحمامات)
الاثنين(ترتيب دواليب+الحمامات)
الثلاثاء(ترتيب دواليب المطبخ+ترتيب الغرف)
الاربعا(غسيل الملابس+كوى المحتاجه منها+كنس البيت)
(((لكن بشكل يومى ارتب البيت مثل اللى تحت وكتبته لكم بس الفرق انه بالليل ارتب واسوى كل شى يعنى مايجى اليوم الثانى الا كل شى مرتب ),
لما ينامون عيالى بدرى على طول ابتدى ارتب وااكنس وكل شى,المهم انام وهو نظييف وابخره بعد قبل مانام,
ولمااصحى اصحى وهو نظيف,,طبعا اول ماسويه انقع حق الغدا واجهز الفطور, واخلى الوقت مع العيال فطور وترويش ,وترتيب المطبخ استعداد للغدا
ولو طبخت اطبخ بملعقه استخدمها واغسلها واستخدمها مره ثانيه
على طول كل شى بوقته تتوسخ الطفريه اغسلها على طول المهم مايخلص الغدا الا والمطبخ نظيف ماباقى الا صحن الغدا فقط
نجى لغسيل الملابس خصصت له يومين السبت والاربعا تدرون ليش؟؟
السبت لانه الجمعه يطلعون ويتوسخون وتصير الملابس كثيره>>>>>>>>>>>>>>>واكويهم الاحد
والاربعا نفس الحكايه مايجى الخميس الا البدل نظيفه<<<<<<<<اكويهم بالليل اللى احتاجه واللى محتاجه مخليه اصلا الاحد موعد الكوى
الكنس يوميا ا وقبل لانام
ترتيب دوالايب الاطفال كل اثنين,,,,,,,مدرى ليه احب اليوم هذا
الحمامات كل 4 ساعات انظفها مو علشان شى ولكن على الاقل اصب ديتول عليها
مجلس الرجال فقط كل اسبوع مره<<<<<<<<<<<<<<<<<<<<<ماحد يجيه,
الظهر انام مرتاحه مايكون فيه شغل فى البيت,
العصر اقوم احصل فقط الصاله معفسه ارتبها واسوى اكله للعيال واغسل اغراضهم ,
وانقع حق العشا والمغرب اطبخه والعشا يتعشون وينامون يعنى عودتهم على بعد 9 مافى سهر ابد.
ويصير كل وقتى وبيتى اسويه بالليل,عندى وقت كثير لانى مانى راعية دوجه او روحات وجيات فقط عندنا الاربعاا نطلع,والخميس
صدقوونى عودو انفسكم على الترتيب كل دقيقه وعلى غسل الصحون كل دقيقه,واقتصدو فى الاستخدام,,,,وصدقونى التنظيف بالليل احسن واسهل من الصباح لانك لو نظفتى الصبااح بجى الليل معتفس يعنى ماكنك سويتى شى بالعكس تتعبين كذا
لكن لما تنظفين بالليل تصحين والبيت يلق ماعندك شى تسوينه الا الغسيل واكوى وكل شى له وقت مخصص له,وحده تجرب جدولى وتشوف <<<<<<<<<راح تعرف الفرق بالتنظيف ليل ونهار
واللى تبينى ارتب لها جدولها <<<<<<<<<<<<<<<مع التعريف بالبطاقه الشخصيه يعنى عندها اطفال؟؟او تحب السهر او مشغوله تداوم؟؟
ترى كل شى جربته حتى وانا بالجاامعه كنت اطبخ وافرزن وارتب للغدى لما يكون زوجى ماخذ اجازه,,,,,
انا حاضره وتحت امركم,

موضوعك جميل وعجبني وحبيت اشاركم بالفكرة وراح اقترح عليكم جدولي وقولولي رايكم فية
انا عندي ياطويلة العمر والسلامة 2 غرف نوم - وصالة)غرفة المعيشة) - ومجلس - ومطبخ - وغرفة تخزين + الحوش -دورتين مياة الله يعزكم
السبت
غرفة النوم+المطبخ+الصالة)غرفة المعيشة)
الاحد
غرفة الاولاد+الصالة)غرفة المعيشة)+دورة المياة
الاثنين
المجلس + الصالة)غرفة المعيشة)+دورة المياة
الثلثاء
الصالة)غرفة المعيشة)+المطبخ + غسيل الملابس
الاربعاء
الصالة)غرفة المعيشة)+ المطبخ
الخميس
الصباح غرفة المعيشة وباقي اليوم اجازة
الجمعة
اجازة
غرفة التخزين كل3اسابيع ارتبها
اما الحوش ليس من ضمن مسؤلياتي
ويس

شمس وقمر22
ماشاء الله تبارك الله
الله يعطيك الصحة والعافية ويبارك لك بصحتك وعافيتك وعيالك ويهنيك في حياتك
انا اهنيك على هذة الفكرة كنت حاطة لنفسي جدول ولاكن مش مريحني مية مية
بس بعد ماقريت ردك بصراحة يبغالي اعيد النظر ههه
لك مني اكل الشكر والتقدير وعساك على القوة

شمس وقمر 22
استحيت منك شكلك سنعة .. ماشاء الله عليك ..
ابي اصير مثلك
بس احس كل وقتك شغل بشغل قبل تجي الشغالة ..
يعني ماتلقين وقتك مثلا تمارسين هواياتك ...
وعلى بال مايجي الليل احس تكونين متكسرة ..
بس برافو تعجبيني والله

الله يجزاكم خير استفدت مرره