انتي ولا اهي

حبيبتي والله الخدامه هي الي تطبخ دائما وفي جميع الأحوال
الناس صاروا يجيبون طباخات ...ولا تقولين ..لأن كل رجالنا ياكلون في المطاعم
على الأقل خدامتي كاشفه عليها ومطمنه وأغراضي ومطبخي نظيف ..
بس ليش السؤال ؟!!

شكرا اختي كل الحلى على مرورك وردك
بس بعض الازواج يقولون مانبي الخادمه تطبخ

والله الحين دائما الخادمه هي اللي تطبخ سواء المره
موظفه ولا بالبيت وصحيح بعض الرجال يقولون مانبي
طبخها بس هذا اول ماتجي وبعدين خلاص الكل
ياكل من طبخها شغاله اهلي ماشاالله عليها
تفنن بالطبخ خيال وهي عاجبها خلاص
الكل تعود على طبخها ونظافه طبخها اهم شيء

شكرا اختي مرمر البحر على المرور
ننتظر البقية

بصراحه انا مو موظفه يعنى ما اعرف ظروف موظفات
بس انا مقتنعه مليون بالميه ما ادخل الخدامه بيتى وبعدين ليش الخدامه تطبخ وانا شو اسوى فى البيت بصراحه مهما كانت الخدامه شاطره فى طبخ الا يكون زوج بخاطره انو ياكل من ايدين زوجته وكل واحد وتفكيره بس هاى وجهة نظرى

وع مااحب طبخ الشغاله ولا حتى زوجي
ومااحب حتى عيالي ياكلون من يدها وهم اصلن ما يحبون اكل الشغالآت والله لو انها نظيفه
وبعدين حلو الزوج ياكل من طبخ زوجته يعني الشغاله تجيبها
الوحده للتنظيف للغسل وكوي تساعدك في الأطفال مو عاد تقوم فيهم
يعني تسوي رضعه او تغيير حفاظ الله يعزكم اما طبخ اجل شبقى على راعية البيت
صار وجودها زي عدمه عند زوجها يعني الطبخ مو لها الدرجه صعب حتى لو موظفه
مع احترامي للجميع وهذي وجهة نظري واختلاف الراي لايفسد للود قضيه

حبيبتي انا موظفه و مع ذلك اطبخ الغداء من الليل لأن زوجي من الرجال اللي ما ياكلون من طبخ الشغاله مع اني حاولت اقنعه كثير لكن راسه يابس ...

ياالغالييه
انا طبختلي خدامتي ووافق زوجي لما كنت في النفاس شهر تقريبا
ثم خلاص من بعدها انا من نفسي وزوجي طبعا مانبي طبخها طبخي احلا اكييد
اخلييها تجهز وانا اطبخ مثلا
السلطه تغسلها الدجاج او الحم تقطعه وتغسله البصل تقطعه تقلي بطاطس او اي شي قلي اخلييه علييها
تساعدني احيانا في الفطاير او لف السمبوسه ان احتجتها
والي تقول يع من الخدامه لوها نظييفه سوال لها تاكليين من المطااعم ؟؟ هي ادمييه ومسلمه وبعديين وحده تسوي قدام عيينك وباشراافك احسن من هندي ماتدرين غسل يده او لا

اتعبني غيابي