انجازي كي اغير حياتي مشارك في مسابقة حياتي انجاز

نسمات القلوب

08-12-2022 - 10:39 am

بسم الله الرحمن الرحيم
السلام عليكم ورحمة الله وبركاته
يوم شفت المسابقه جلست ادور وش الانجازات اللي اسويها
ف الحمدلله حسيت انه انجزت اشيا كثيره ما كنت ادري انها انجاز فعلا
من انجازاتي \
كنت احب الفوتو بس ما كنت اعرف كوعي من بوعي فيه
وكانت امنية حياتي انه بس اكتب اسمي ع اي صوره
ومازالت الفكره في بالي لين ربي كتب لها النور .. بعد فتره وتلميح لاختي عشان ادخل معهد
ادرس فيه الفوتو ... دخلت معهد وكنت فرحانه يا ارض ما عليك قدي بصير مصممه كبيره
بس خاب ظني بقوه ...اللي بالمعهد الله يسامحها ما علمتنا زين .. كانت تشرح شرح ناس محترفين
ما كانت تراعي قدراتنا انه حنا مانفهم شي بالفوتو
وكلمت الدوره وانا كلي قهر ... كرهتني بالفوتو والله لدرجة انه قلت ما ابي اكمل الدوره والفلوس حلال بلال عليهم
اهم شي ما اروح هناك كرهت الفوتو .. والقهر لا قلنا لها ما فهمنا عيدي تقول طبقو وبتفهمون >> من صجها ذي والا تمزح
شلون نطبق وحنا مانعرف حتى وش قوائم الفوتو
بس عشقي للفوتو كان ابدي متمكن .. صدق اللي تعلمنا كرهت كل البنات المشتركات فيه بس كان في داخلي شي انه لازم اتعلم
فيني قوه خارقه مصممه ومعزمه وملزمه اتعلمه
واجلس احوس بالنت ومن منتدى لمنتدى اجمع دروس .. وظليت فتره مو بسيطه
تعلمت الفوتو القص والدمج .. والاكبر من كذا تعلمت الامج ردي
الامج ردي كان شي صعب ويخوف بالنسبه لي بس الحمدلله تعديت هالمرحله
واصبحت متمكنه بالفوتو ما راح اقول مبدعه لكن الحمدلله في تطور مستمر
جهازي تعرض لتوسونامي رهيب خلاني افرمته وطارت الصور اللي كانت اول بداياتي بالفوتو
خساره كنت احب اشوفها عشان اضحك ع نفسي
يا حليلي وانا ماعرف اصمم
وكنت اسوي مقارنه بين تصاميمي اول وتصاميمي الحين
عندي حاجات بسيطه بوريكم اياها

التعليقات (9)

نسمات القلوب

08-12-2022 - 02:20 pm

في انجاز ثاني هو الخطير بالنسبه لي يعتبر نقظة تحول
انا ماعرف اطبخ الاشيا الرئيسيه يعني اعرف بس مو شي ع قدي
بس اعرف اعمل معجنات .. يعني الطبخ عندي بس في رمضان اما الايام العاديه يمكن اسوي مكرونا بالباشميل او اي شي مثل كذا
قبل سنه تقريبا او سنتين ... الشغاله بتروح وكانت ممتازه بالطبخ الكل يمدح طبخها لدرجه انه اقولها تعلمني ا بغيت اسوي شي
طبعا هي بس تطبخ العشا ام الغدا امي تطبخ ... ذيك الفتره اللي قرب موعدها تسافر امي الله يعطيها الصحه والعافيه تعبت حيل
ولا في احد يطبخ الشغاله بتروح باقي كم يوم بس
وسافرت الشغاله ؟. وصار الطبخ مسئوليتي انا واختي
امي ظلت فتره تعبانه يمكن اربع شهور او اكثر .. هالفتره هذي كانت اصعب فتره في حياتي لانه علي تنظيف البيت والطبخ
وصار ماعندي وقت كلش اخواتي عندهم مدارس و
والحمدلله طلعت مواهبي بالطبخ .. صرت اطبخ الغدا والعشا وصرت اطبخ طبخات جديده من راسي
اهم شي عندي الغدا ... وامي كان ذوقها صعب مو اي طبخ يعجبها
والحمدلله عجبها طبخي بعد تعليق طبعا مره فيه ملح ومره مافيه
والحين الحمدلله يقولون لي الغدا جايبته من المطعم والا
لانه من جد حلوو الله يعطييني العافيه
وانا من النوع اللي يحب يحط اضافات في الطبخه ... وازود اشيا واشيل اشيا
من جد الطبخ الغدا والعشا والاشيا الكبيره اللي تعلمت اطبخها انجاز كبير لي
وما انسى الطبخات بالنت بعد كنت ادور اي طبخه ماعرفها واسويها ع طريقتي
او ادمج طبختين مع بعض بطريقتي
انجاز ثالث ولله الحمد والف حمد وشكر لك يارب تركت مدمر الشعوب الانسانيه الا وهو البيبسي
كنت اول اشرب خمس ست علب ماني صاحيه والله مالت علي سابقا
والحمدلله رغم ادماني له ترتكته بكل بساطه .. يعني اول حتى كنت اشربه مع الفاكهه
من قو الادمان
بس يوم عزمت قلت يلا ما راح اشربه .. لانه قريت مضاره و ومن يوم قلت ما راح اشرب .. فعلا ما شربت ولله الحمد
يعني لا بالتدريج ولا شي .. كلمتي كلمة شيوخ
الحمدلله ربي سهل لي الموضوع ..
يمكن اكثر من عشر سنوات وانا تاركته ولاشفته تلوع كبدي والله ... ولا جسلت مع اخواتي اقولهم
تدرون ان البيبسي يسوي بالكلى كذا وكذا .. وتدورن ان البيبسي ينظف كذا وكذا
عاد انواع التعليقات من اخواتي .. لانهم ما يقبلون شي عن البيبسي ما يستغنون عنه
عاد انا اروح اقول لامي يمه لا تجيبين بيبسي و
ترى مو زين و جيبي لهم عصيرات او اي شي ثاني شوفي بيت خالي ما يدخل البييبسي بيتهم وشوفي اخوي و
احاول اغسل مخ امي
ولا يأست لين الحين لاشفت بيدهم بيبسي اعطيهم نغمة كل يوم عشان يطفشون منه
من انجازاتي المتواضعه تعلمت كيف انظف جهازي وكيف اثبت برامج وكيف اتعامل مع مشاكل الجهاز
لانه اول اي مشكله تصير لي اوديه محل ويقولي فرمته و
اخر مشكله انه جهازي فرمته وبركب برنامج حمايه وفجاه علق وصارت حوسه
ويوم شغلته لقيت ابدأ صارت انقليزي وباليسار
تحطمت توني جايبته بنفس الليله من المحل .. ضاق خلقي واجلس احوس بالمنتديات
اسبوعين تقريبا .. لين عرفت كيف اعربه وكيف اتعامل مع المشكله .. والحمدلله ما يحتاج اوديه محل
من الانجازات اللي ابي اسويها ابتديت اتعلم لغه انقليزيه رغم انه اخذت دورات بالنت بس ما احس فادتني ولسه جالسه اخذ
جاتني رساله ع جوالي من قناه تعليميه ترسل بين كل يوم كلمات انقليزيه ... وهذا انا جالسه احفظ
الكلمات اللي يرسلونها
في داخلي طاقه كتابه
ابي اكتب قصه حلمي ومنى عيني اصير كاتبه قصص
ويارب انجح في هالشي
وفي سنه من السنوات تعلمت اختم القران مرتين ولله الحمدلله في رمضان
حيث انه خصصت جزئين اقراه كل يوم
والحمدلله من انجازاتي تركت الاغاني ليه فتره طويله .. ولاجات في بالي اغنيه
استغفر .. اقول ليه ما ابدل الخرابيط هذي بذكر الله ويارب يثبتني ع ذالك
واهم شي واحلى شي .. انه صار لساني دايم يستغفر
وعشان اشجع نفسي لا رحت مكه اشتري لي سبحات حركات حلووه وملونه عشان اخليها بيدي عشان اتعودع الاستغفار
ادري انه الاستغفار باليد افضل .. بس انا ابي اعود لساني لين اترك السبحه
ومن الانجازات الي جالسه اسويها انه لا عصبت اقول استغفر الله ولاحول ولا قوة الا بالله
عشان اهدا وارتاح احسن ما اعصب واتنرفز واشيا مالها داعي
ام بس هذي الاشيا اللي احس انه تعتبر انجاز
والقادم افضل ان شاء الله

pink mirage

08-12-2022 - 03:21 pm

ماشاء الله تبارك الله
انجازات روعة اهمها البيبسي لاني كنت اعاني نفس الشي لكن الحمدلله
قدرت ااتركه لما حملت وبعدها تعودت اني مااشربه الا فين وفين ..
بارك الله انجازاتك و اتمنى لك التوفيق نسمات القلوب

توفي المنتوفي

08-12-2022 - 04:22 pm

.. وعليكم السلام ورحمة الله وبركآته ..
ماشاء الله تبآرك الله
أهنيك على إنجآزآتك..
أشترك معك في تحدي مقآطعة البيبسي ..
أنا لي 6 سنوآت مقآطعه للمشروبات الغآزية ..
نآدرا أشربهآ .. وإذا شربت أشرب سفن آب ..
يعطيك العآفيه حبيبتي ..

نجوم الفجر

08-12-2022 - 05:23 pm

ماشاء الله تبارك الله
انجازات رائعه
والله يوفقك في تحقيق المزيد من الانجازات

أنثــ الخيال ـــــــــــى

08-12-2022 - 06:24 pm

ماشاء الله انجازاتك رائعه
أسال االله لك التوفيق والسداد

نسمات القلوب

08-12-2022 - 07:25 pm

الله يعطيكم العافيه عسولات
ويارب تكون انجازتنا احسن واكبر من كذا
نورتو الحته يا قميلات

ميدان الريف

08-12-2022 - 08:26 pm

سبحان الله والحمدلله والله اكبر