انخطبت أوافق ولا لا

السلام عليكم
بأطرح مشكلتي بشكل سريع
ياليت تقدرون تساعدوني
تقدم لي واحد مطلق مرتين وهو من قريه
زواجه الاول : بنت عمه وكانت رافضته وغصبوها وألزموه يعيش في بيتهم في القريه وشغله في الرياض ورفض جلس معها 3 شهور ثم طلقها
زواجه الثاني : من بنت عيال عمها حاطين عينهم عليها وتضاربوا عليها يبونها ومن تزوجته واهي مريضه وتعبانه
وهو عالجها وماقصر بس مافي فايده وداها للمستشفيات و لشيوخ يقرون عليها ماعرفوا علتها
وقد حملت وسقطت واهم يتوقعون انها معيونه من عيال عمها بعد سنه من زواجه منها طلقها واهي للحين تعبانه
اهله قالوا له خلها على ذمتك وتزوج لك غيرها لانها يتيمه ولا عندها اخوان قال لا توني صغير ولا اقدر على ثنتين
جلس 3 سنوات والحين خاطبني
وانا محتاره اوافق ولا لا
صفاته الايجابيه : متوسط الدين - اخلاق - راتبه حلو - عنده بيت ملك ومأجر الي فوق وقريب من بيتنا
صفاته السلبيه : متزوج مرتين - سمين - من قريه أخاف إذا تقاعد يرجع لها ( لا تقولين اشرطي الشرط ماراح يلتزم به أكثر الرجال )
المخاوف من زواجه : مثل ماقلت اخاف يسكن في قريته إذا تقاعد لاني مااقدر اطلع من ىالرياض مثل السمكه إذا طلعت من البحر - واخاف يقارني بزوجاته السابقات مع إني واثقه من نفسي بس تعرفون الي سبق له الزواج يقارن بين زوجاته - اخافانصدم بعادات وتقاليد اهله لاني مو من نفس مجتمعه .
وانا عمري 24 سنه ولا قد تزوجة وجميله بحكم الاخرين علي
صليت استخاره اول مره ارتحت ثاني مره تلخبطت مدري وش صارلي ومتردده
ترا تعبت نفسيا
تبون رائي اهلي : امي تقول مراح نلقى مثله مكون حياته ودين واخلاق
ابوي مايحب اهل القرى يقول احنا متطورين ليش تاخذين واحد يرجعك لورا كم سنه ( مع العلم انه يشتغل بارامكوا في الرياض )
اخوي الي اصغر مني يقول متزوج ثنتين ارفضوه
انا ابي رايكم؟؟