اول طبخة موضوع كوول

1. الوصفة اللي تسبب مضاعفات بكتبها لكم بالأحمر عشان تنتبهوا منها


2. يلا انا ببدأ لكم تبخاتي التعمونات اللي مش أي أي ولا زي زي

يافراشات ياحلوين انا عندي فكرة وهيا ان كل وحدة تكتب ايش أول طبخة سوتها اكيد مااقصد اللي اتحرقت واكيد مااقصد الاندومي والبيض
ولا ليه نزعل عليهم ونتكبر برضو اي وحدة تسوي الاندومي او البيض بطريقة غير تقولها لنا
المهم برجع اقول الفكرة بطريقة ثانية - - - > فاضية عالصباح
الآنسة اللي هيا انا مبتدئة في الطبخ يعني لقيت نفسي فاضية قلت اسوي كم أكلة يعني ابطل دلع واصير شطورة في الطبخ
وطبعا بعد هذا القرار الصعب قلت من فين ابدا ؟؟
لاني من جد مااعرف شي غير الاندومي واومليت حتى شكشوكة مااعرف فصرت ادور عالأكلات السهلة واسويها
وحبيت اشارك بيها كل وحدة جاتها الفكرة الجهنمية بدخول المطبخ وماهي عارفة ايش تسوي وكمان اي وحدة شطورة وتدور على أكلة سهلة ومجربة تقدر تستفيد
وانت ياكسولة ترا كلها اكلات سهلة وبساعدك فيها وكلها مجربتها بس اهم شي خلي الشغالة جنبك عشان تقطع بدالك وتلم الحوسة اللي بتسويها بعدك عشان امك ماتدعي عليا
يكفي ماما اشوف وجهها يتلون يوم تذوق من اكلي .... لا لا امزح ترا كلهم يقولوا لذيذ وماهي مجاملة لانهم لسا باقي عايشين والحمد لله

الوصفة اللي تسبب مضاعفات بكتبها لكم بالأحمر عشان تنتبهوا منها

يلا انا ببدأ لكم تبخاتي التعمونات اللي مش أي أي ولا زي زي

وانتوا كل وحدة تفتكر اول اكلة لها تكتبها , أو اكلة سهلة شفتيها في طريقك وجربتيها اي شي ماجربتيه ياويلك تحطيه عشان احنا نبغا شي مضمون مو شي نتوهق فيه يكفي متوهقين خِلقة يعني اهم شي أكلة مجربة حلا ..مقبلات.. سلطة ..كوفي.. طبق رئيسي أي شي جربتيه وسهل لاتبخلي علينا فيه
وانتوا ياحلوين اللي ماقيد سويتوا شي شمروا عن اياديكم ويلا معايا نتشجع مع بعض ونصور اكلاتنا حتى لو اتحرقت شوية ولا اتخبصت ولا صار لها اي مصيبة ,ونحطها هنا ويصير نتعلم منها واكيد الخبيرات ماحيبخلوا علينا بنصايحهم يصير نعدل الطبخة المرة اللي بعدها وتبقا الصورة الاولى ذكرى نحطها جنب الشي الكويس ونكتب قبل وبعد
خلاص خلص الكلام الفاضي والشرح اللي طفشكم ونبدا في الجد :
اول شي سويت حلا التويكس وهو مرة سهل ولذيذ للفراشة بسمة فراشة الله يجزاها خير
وهذا رابط الموضوع :
http://alfrasha.maktoob.com/showthread.php?t=245906
ملاحظاتي عليه من تجربتي واخطائي بمعنى اصح :
1) اذا خلاص سويتيه حطيه في الثلاجة بس قبل ماتقدميه بساعة تقريبا خليه في الفريزر لانه الذ وهو بارد
2 ) اذا قطعتي قطعة وجيتي تشيليها من الصينية لصحن التقديم جيبي سكينة وقبل ماتشيلي القطعة حكيها من تحت لان البسكوت بيكون لاصق في الصينية
نجي لأخطائي وتصحيحها :
1) فكيت علبة البسكوت كلها وحطيتها في الحليب ويوم بدأت اشيل البسكوت عشان احطه في الصينية اتفتت واتقطع وخصوصا اخر حبات ماقدرت اشيلها ذابت ::
التصحيح:
لمن تحطي البسكوت في الحليب لا تحطي حبات كثير يعني 4 بالكثير وقلبيها بسرعة وشيليها لانك لو خليتها شوية بتذوب وماتقدري تشيليها وبعدين حلاة البسكوت انه يكون يقرمش شوية مو زي السيريلاك
((الملاحظات طبعا للي يسووا حلا اول مرة مو للخبيرات اللي اكيد شايفيني هبلة بس من جد ماكنت اعرف لكن خلاص اتعلمت والمرة الثانية عدت بسلام لا مو سلام مرة نص سلام ))
هذا اول حلا سويته ومن جد عجبهم وبعدها اتشجعت وصرت اسوي اشياء ثانية مو بس حلا والحمدلله كلها عجبتهم وان شاء الله اصير شيف شطوره بس مو زي هذي شكلها شريرة ابغا اصير زي هذا ....