بروستد وبطاطا للدايت جنان

اليوم جبت لكم احلى بروستد دايت ميه بالمية ولذيذ مع فرنش فرايز برضه بالفرن
المقادير :
الدجاج
دجاجه ونصف منزوعة الجلد ومقطعه اثمان ومملحه خفيف ومرشوشة بفلفل اسود
خلطة (1)
بياض بيضه +علبة زبادي قليل الدسم+ شوي ملح+شوي بهارات مشكلة
خلطة (2)
7 حبات بسكوت مالح الدوائر الصغيرة او ابو نبيل +كاسين كورن فليكس ساده كيلوقز كلها مطحونه سوى
الطريقة :
ندهن الصينية بزيت زيتون ثم نغمس الدجاج في خلطة رقم 1 ثم في خلطة رقم 2 ونصفه في الصينية ثم نرشة برشة بسيطه من زيت الزيتون ندخلة في الفرن لمدة ساعه من تحت ثم اذا نضج نحمره من فوق ثم نقدمه بالعافيه
وهذي صورته
بالنسبة للفرنش فرايز او البطاطس
نقطع البطاطس شرايح ثم نخلطة مع زيت زيتون وشوي ملح ونفرشة في صينية الفرن بس احرصي انه ما تصير قطعه فوق الثانية ثم نحمر البطاطس من تحت واذا نغزناه بالشوكه وصار مستوي نحمره خفيف من فوق بس شوي لانه ينشف بعدين وهذي صورته وعلى قلبكم بالعوافي واذا اعجبكم اتمنى دعوه حلوة لي بالتوفيق