بنات احس اني على حافه الجنون والسبب اكثر انسا ن حبيته

الله يعينك ويسخر لك زوجك
والف مبروك المولود
في انتظار بقية القصه

بانتظارك
بس انتبهي الطيبه بها الزمن ماتفيد!!

الله يعينك
في انتظارك ..

الله يهديه ويسخره لك يارب

ماشاء الله عليكي كيف تقدري تكلميها وبينكم مسجات وهي كانت تعرف زوجك الله يهدية ومبروك البيبي

في انتظار البقيه

ماراح اطول عليكم لاني فيني حرقه في جوفي بس اعذروني رحت مديت ظهري خمس دقائق ورجعت لكم
المهم ذاك الوقت كنت حامل في طفلي الاول من زوجي الحالي وبعد ماولدت بفتره طويله اكتشفت خيانه جديده وكنت حامل في طفلي الثاني اللي الحين نفاس فيه لان بين طفلي الاول والثاني سنه وشوي
في يوم من الايام كنت ملانه وقلت لزوجي خلنا نطلع مع بعض وزوجي مايحب يقول لا اذا قلت له بنطلع نتمشى بس ذاك اليوم قالي مااقدر عندي مشوار وطلع من عندي ورجع في الليل وكان معاه هديه جابها لي وكانت عباره عن عطر وانصدمت لما فتحت الغلاف لقيت عطر غوتشي اللي كان جايب لي مثله بالضبط من يومين انا سألته قلت له ليش جبت لي نفس العطر حسيت انه ارتبك وبان على وجهه التوتر وقال الله يغربل ابليس البايع انا ماقلت له هذا العطر بس باين انه غلط مب مشكله اهديه حد من صديقاتج
انا هنا شكيت وقلت اكيد انه كان جايب عطرين واحد لي وواحد لوحده غيري ولخبط بينهم واعطاني اللي جايبه لها واعطاها اللي جايبه لي
على العموم سكتت بمزاجي عشان مااحسسه اني شكيت عشان امسك خيط ثاني يوصلني للحقيقه
وفي نفس الوقت جلست معه ونحن نتكلم وسهرانين الا وموبايله يدق الساعه 3 الفجر واشوف الرقم الا ورقم مكتوب عليه اسم احد اصدقائه قلت له ليش ماترد وش بلاه ربيعك متصل هذا الوقت
وحسيت ان زوجي ارتبك وقام يخلق الاعذار ويقول اشياء مب منطقيه
المهم لما نام زوجي خذت الرقم وثاني يوم العصر طلع زوجي من البيت رحت اتصلت على وحده من صديقاتي اللي اعدها مثل اختي وقلت لها خذي الرقم ودقي وشوفي من اللي يرد رجال ولا حرمه لاني ماحبيت ادق من موبايلي خفت اذا كانت وحده يكون معطيها رقمي ومحذرها ماترد
عالعموم اتصلت صديقتي وردت عليها وحده
كنت متوقعه المهم رحت ذيك الساعه ودقيت لها من جوالي وردت علي
ودار بينا الحديث التالي
انا : السلام عليكم
هي : وعليكم السلام
انا : من معاي
هي : انتي اللي متصله منو انتي
انا : عفوا انا شفت رقمج عند زوجي في جواله
هي : لا اكيد انتي غلطانه
انا : لا انا مب غلطانه انتي متصله البارح الساعه ثلاثه الصبح واسم زو جي فلان ويداوم في المكان الفلاني
هي : ايه فلان عرفته الحين بس انا مابيني وبينه اي شي
انا: اجل وحده مابينه وبين انسان علاقه وتدق له نص الليل وش كنتي تبين منه يحكي لك قصه ماقبل النوم
هي : شو
انا : في نفسي اللفت قصه وقلت لها حبيبتي زوجي معطيني الرقم وقال لي هذي وايد تضايقني وتدق علي طول الوقت
طبعا انا اللفت هذي القصه عشان استفزها واخليها تتكلم
هي : نعم حبيبتي لا والله زوجك هو اللي يركض وراي ولا انا مااعطيته وجه
انا : باي اماره مااعطيتيه وجه بامارة انك متصله نص الليل ولا بامارة انك معبيه السجل كله بمكالماتك له
علعموم خليتها تنقهر وهي صدقتني يوم قلت لها انه هو اللي اعطاني الرقم فحسيت انها انقهرت منه وكرهته
انا عاد ماصدقت على الله ورحت اتصلت على زوجي ورد على وانا اطيح فيه واقوله اللي صار
وهو يحاول يهديني ويقول لا تفهميني غلط ومن هالكلام
وجاء من برع بسرعه وحاول يحسن الموقف لصالحه ويقول انا غلطت بس والله ان مابينا غير اتصال وبس
نسيت اخبركم انها خبرتني انه في اليوم اللي ماطاع يطلعني فيه عشان يمشيني مثل ماخبرتكم قبل كان مواعدها وشافها في سيارتها واعطاها العطر اللي كان مغلط بينه وبين العطر الثاني
فلما قلت له قال ايه والله بس ان من شفتها مارتحت لها وانا من البارح احس اني متضايق واحس اني مقبوض وكنت مقرر اني اتركها حتى لو ماكشفتيني
علعموم
جلس يترجاني وانا قلبي طيب وقلت له حرام حملي الاول خيانه وحملي الثاني خيانه
والله يابنات اللي يشفع له عندي اني احب واحس انه يحبني بس بنات الحرام يقصون عليه
المهم سامحته هالمره بعد وقال لي اخر مره
برجع لكم بعد ماامد ضهري خمس دقائق بعد
يعني مابطول عليكم اليوم بخلص كل قصتي بس مثل ماخبرتكم نفاس ومقهوره بعد

الله يهديه ويريح بالك
وبنات الحرام واجد الله ياخذهم ويريحنا منهم يركضون ورى المتزوج ركض يحلى بعيونهم
الله يرده لك ويصلح حاللك
والحمدلله على سلامتك