بنتي شعرها كيرلي وخفيف تكفون شسوي

فراشة فسفوري

15-06-2022 - 02:31 pm

مرحبا يافراشات
الموضوع واضح بنتي عمرها 6 سنوات شعرتها مره خفيفه وتنفش بسرعه لا وكيرلي بعد بس من تحت تعبت وياها ماخليت زيت ماجربته براشوت واملا وبانتين بديل الزيت وبخاخ التشابك جونسن للاطفال وحناوزيت ووحده قالت حنا وسمنه وحطيت والله انهبلت
انا ماعندي مشكله بس ابوها جنني من يشوف شعرها منفوش يضيق صدره ويهاوش
وحده قالت لي سويلها تمليس ووحده قالت الكيراتين و بس هي صغيره وخايفه عليها
حتى هي ضايق صدرها اختها شعرها ناعم وطايح وهي لا
كل ماجينا نطلع لازم اتاخلر عشان اربطه
اللي عندها حل تكفون تفيدني

التعليقات (7)

سهام النور

15-06-2022 - 05:18 pm

طيب تقبليه كيرلي
ترا حلو الكيرلي وكيوت
يعني لما تطلع من الحمام ادهني بيدك زيت جونسون شوي وحطيه عليها ولما ينشف زيني شعرها بربطات اواطواق او شباصات بيطلع شكلها روعه ترا الكيرلي موضه
ولاتعقدون البنت بشعرها قوليلها حلو شعرك مثل ميريام فارس

امااسي

15-06-2022 - 06:19 pm

الله يعينك
جربي حمام كريم بالسدر الطبيعي
مره يناسب الاطفال
واذا غسلتيه استعمليلها كريم برشوت الازرق
وانشاالله افدتك
دعواتك,,,

غلآها

15-06-2022 - 07:20 pm

الله يعينك ويحل مشكلتك

إكسكيوزمي يآلغرام

15-06-2022 - 08:21 pm

استعملي كريم دابر فاتيكا الجديد

فراشة فسفوري

15-06-2022 - 09:22 pm

الله يعطيكم العافيه ماقصرتوا ابد
الله يجزاكم الف خير بهالشهر الفضيل
الاخت اللي تقول كريم السدر وين القاه وكيف شكله

&توته الياقوته&

15-06-2022 - 10:23 pm

يجنن الكيرلي على البنت الصغيره تطلع طبيعيه فهمي زوجك انه فيه فرق بين بين الكيرلي والكشه الخشن وانتي قصصيه مدرج قصير حيل وحطي كلبس على شعرها من قدام تطلع مره كيوت

فراشة فسفوري

15-06-2022 - 11:24 pm

وربي انا عاجبني واذا جعدته وحطيت لها كلبس يجنن
بس هو لا عنده مقياس الجمال نعومة الشعر وانا واهلي كلنا شعورنا ناعمه بس وش اسوي
المشكله من قدام والجوانب بس منفوش لان الشعره حقته مره خفيفه ومن ورا وتحت كيرلي
وبس يصجني قصيه قصيه وهي تبي طويل زي اخته

خلطة تطلع أبو الشعر←
الى خبيرات الشعر→