بنظام المقررات

ايه نسيت اقوول فيه نااس يسمونه نظام الساعات

طوطوط ردو تفكوون تكفون بلييز اي معلوومه لو معلومه وحده احتااج اعرف كل شي

تفضلي هذا موضوع ام راكان جزاها الله خير
لقيت لكم تعريف للمطورة ((نظام المقررات ))

هلا ياعسل ...
انا ثالث ثانوي - نظام مطور " مقررات " - المدينة المنورة ..
بصراحة النظام نفسة روعة وممتع وتحسي بتغيير كبير في حياتك وشخصيتك لانه اغلب المواد والمشاريع جماعية وهوا نفس نظام الجامعة بالتمام .. وعشان اكون معاك صادقه اكثر اذا كنتي مهملة او مستواكي مو مرة وعارفه نفسك لعابه ما انصحك فيه لانه يبغاله بنت تكون مهتمه وتذاكرين درس بدرس يمكن تقولي حتى بالنظام العام بس انا اقولك لاا المواد في النظام المطور دسمة شوي ويبغالها مذاكره من البداية ..
تدرسي المادة بترم واحد بس يعني مثلا الكيمياء تدرسيه بترم واحد بس والترم الثاني يكون عندك مادة ثانية او العكس هذا الشئ ينطبق على كل المواد ماعدا الرياضيات والانجليزي تدرسيها على طول لانها مهمة ..
كتب الانجليزي مررا حلوة وتأسسك صح ...خاصه بجامعه كامبيردج ... بريطانيه الكتب بس ترم واحد ماتدرسيه يعني 5 اترام بس
طبعا النظام المطور مستويات زي الجامعة 6 مستويات سنة اولى تدرسي مستوى 1 و2 وسنة ثانية مستوى 3و 4 وسنة ثالثة مستوى 5و 6
واذا رسبتي الله لايقوله تحملي المادة على طول من دون نقاش زي الجامعه يعني مافيه دور ثاني زي العام ..
سنة اولى تدرسي 7 مواد الترم الاول و 7 الترم الثاني ويكون الاختبار النهائي في ترم 6 مواد وفي ترم 5 يعني يكون الترم الاول او الثاني عندك مادة تقويم او مادتين ..
سنة ثانية تدرسي 6 مواد الترم الاول و6 الترم الثاني ويكون الاختبار النهائي في ترم 6 مواد وفي ترم 5 يعني يكون الترم الاول او الثاني عندك مادة تقويم او مادتين..
سنة ثالث تدرسي 5 مواد الترم الاول وتدرسي 6 الترم الثاني او يكون العكس 6 الترم 1 و 5 الترم الثاني ..
وفيه مواد اختياريه وهي احياء 3 وتربية فنية وقرآن وفيه مواد ثانية بس ما اعرفهاا
انا السنة هذي درست الترم الاول 7 يمكن تستغربي بس لاني كنت 6 ونزلوا لنا المادة الاختياريه وكانت تربية فنية وصاروا سبعه بس كان سهل الترم الاول الحمد لله لانه عندي 3 مواد تقويم وما اختبرت غير ب4 مواد ...
توزيع الدرجات تدرسي المادة ب 100 درجه مو 50
اغلب المواد تدخلي الاختبار النهائي ب50 درجه مو زي النظام العام يدخلوا ب30 اما المواد اللي فيها اختبار عملي زي الاحياء والفيزياء والكيمياء وعلم البيئة والحاسب لا يكون ب40 الاختبار النهائي والباقي يتوزع على مشاركة وملفات طبعا لانه مافيه دفاتر بس ملفات زي الجامعه وكمان مشاريع والعادة المشاريع تكون ابداعيه وتنمي شخصيتك لانها اغلب الاوقات تكون مشاريع على مستوى المدرسة ..
واحب اقولك انه اذا دخلتي المدرسة ودرستي سنة اولى وماناسبتك تقدري تحولي لنظام عام ويعادلولك المواد للنظام لانهم درسوا مواد انتي مادرستيها بس مايصير تطلعي بعد 2 ثانوي لازم بعد اولى ..
والغياب خاص بكل معلمة يعني مو زي النظام العام يكون تاخذه المدرسة ويحطوه بالسلوك مدري المواظبه لا هنا غير عليها 5 درجات وداخله في 100 درجه حقت المادة يعني ال5 مفروض تضمنيها لكل ماده انها كامله لان ممكن ابله تنقصك على يوم وابله لا تراعيكي غياب الحصة الوحدة بربع درجه ..
اتمنى اكون افدتك ياعسل .. واي حاجة حابة تسألي عنها لايردك الا كيبوردك خ
يلا دعواتك ان ربي يسهل اختبار القدرات والتحصيلي واخذ درجة حلوة يارب
فمان الله ...

االله يعطيكم العافيه ياجعلني فدوه لكم
ماهمتني دنياهم الله يوفقك انتي واختي بااختباارك القدرات والتحصيلي ويسلمو ع المعلومات الحلوه زيك