بن ات الري اض لا تردوني خايبة خبري بكم كريمات

وينكم بنات ؟؟؟؟

ههه
ياكثر طلباتك
أنا أحب سوق صحارى كل شي فيه وعنده تقليد جزم ماركه مره تجنن
العليا مول حلو أقمشته
هذا اللي اذكر

هلا حبيبتي الحين الماركات عامله تخفيض هائل خلال هذا الشهر ..................................
بس الماركارت::::::::::::::::::::::::::::::::::::::::: ::::::::::::::::::::::::::::::::::::::::::
اتمني اني افدتك,,,,,,,,,,,,,,,,,,,,,,,,,

عندك اسواق غرناطة
وصحارى
وكل الماركات مسويه تخفيضات الحين
ايه نسيت اسواق خريص بلازا راحت له وحدة من صديقاتي تقول يجنن عنده تخفيضات

هلا حبيبتي موضوعك رائع وانا مثلك اتمنى احد يجاوب على هالأسئله خاصة وش يتميز فيه كل سوق..
تشكرين ياحلوه..تحياتي

حبيبتي
جنوب الرياض ماعرف فيها شي
لكن انا بشمال الرياض وراح اكتب لك بالتفصيل
أول شي طريق الملك عبدالله
1 صحارى
من أفضل الأسواق وتلقين عندهم كل شي فيه ممر كامل للجزم انواع واشكال وكلها حلوة
تلقين جزم السهرات والسبورات والقطنيات وكل شي
وفيه الملابس السبور وتلقين تيورات في بعض المحلات .. حتى الملابس الداخلية والبجامات فيه
وفيه كم محل عندهم ملابس ابيض واسود مثل زارا وبرومود وبريشكا وغيرهم
وفيه ممر كامل للذهب .. الصراحة يستاهل ذهبهم انك تشوفينه تشكيلاتهم حلوة وجديدة دائما
2 صحارى بلازا
فيه تقريبا بعض محلات صحارى لكن صغير شوي وحلو
وراح تلقين ملابس ابيض وأسود
3 سيتي بلازا
طبعا معروف وغني عن التعريف
ثاني شي طريق الملك عبدالعزيز
فيه حياة مول
مول جديد وكبير ورائع
وبرضو راح تلقين كل شي فيه .. ونوعا ما يشبه صحارى
وهو جنب صحارى لكن من جهه مختلفة
وأكثر شي حلو عندهم انه فيه كم محل اكسسوارات .. تلقين عندهم أشياء تنلبس للجامعة وفيه للعزايم وفيه للسهرات ومره جنان ..
ثالث شي طريق العليا العام
1 المملكة
وأيضا غنية عن التعريف لكن المحلات هناك محدودة بالماركات اغلبها
والأسعار مرتفعة شوي لانها ماركات أوروبية مثل منتي عارفة
حتى ممكلة المرأة
وتلقين هناك الشنط الماركات والجزم .. وفساتين السهرات
2 الفيصلية
ايضا انا متاكدة انك تعرفينها والمحلات اللي فيها أيضا ماركات بس أسعارهم مناسبة
وفيه مجوهرات المعلم وسرماس
3 عمائر السيركون
كلها محلات فساتين سهرات وتيورات رسمية لكن غالية شوي
4 فيه بوتيكات متفرقة على شارع العليا العام
وطول ما انتم ماشيين بالسيارة تفرجي واللي يعجبك انزلي عنده
فيه عندك ميموزا تيورات رسمية وفساتين
فيه باكو ديزاين تيورات وسبورات فخمة
فيه ارتبل تيورات وفساتين سهرة
فيه العيسائي اقمشة المصممين ومحل جنبه للأطفال
رباعيات وارماني رجالي
ميلانو سكوير جزم وشنط سهرات
المصمم أحمد البدوي
ريد سكوير سبورات
ديزل سبورات رجالي ونسائي
مودا موديرنا سهرات وتيورات
وغيرهم كثير
5 مركز طيبة
سوق مفتوح وفيه اشياء حليوه مثل الجلابيات والعبايات ومو غالي أبد
وفيه محلات الجزم وملابس أطفال وملابس بناتية ونسائية وعطارين
وفيه محلات كثير للساعات مثل الدهام وغيرهم
وفيه أكثر محلات الذهب بالرياض عندهم
وفية محلات أقمشة كثيرة حلوة
6 العويس
سوق شعبي نوعا ما
وفيه أقمشة وعطارين ومفروشات وعبايات وجلابيات بيت وغيره
7 عزيزية مول
هو عبارة عن مول ومن الجهه الثانية هايبر بندة لكنه كبير
وفيه محلات جزم وملابس أطفال وكم محل ملابس نسائية لكن مو كثير
8 مجمع النمر
مو كبير مرة والمحلات فيه محدودة .. فيه عندهم نكست وكم محل جلابيات ومحل العاب أطفال
وفيه كم محل للجزم والشنط
9 مجمع الأندلس
يوجد فيه عدد كبير من محلات الأقمشة الفخمة والراقية
وفيه محلات جلابيات وفيه ممر كامل للاحذية من كل شكل ولون وفيه اكسسوارات
10 مجمع عليا مول
يوجد فيه محلات حلوة ويستاهل الزيارة صراحة
راح تلقين تيورات واسعارها مناسبة مثل صحارى وراح تلقين ملابس للطلعات العادية وفيه سبورات وفيه جزم وفيه اكسسوارات وفيه ملابس داخلية وبجامات واطفال ونسائي وكل شي
وبالنسبة لي عليا مول أفضل مركز لديهم أقمشة .. أقمشتهم رائعة
11 العقارية
لكن تعتبر قديمة نوعا ما
والصراحة أنا ماروح لها فماعندي خلفية وش صار فيها من محلات
12 مجمع الموسى
أيضا قديم شوي وماصرنا نروح له فما أدري وش صار عندهم
رابع شي الدائري
1 مركز غرناطة
مول كبير ورائع وتقريبا يشبه صحارى بس فيه كم محل محصورين فيه
وراح تلقين عندهم سبورات وملابس رسمية وفيه كم محل لفساتين السهرات
وفيه كم محل مجوهرات
2 لي مول
هو أيضا مول مو كبير مرة وفيه محلات جزم ومحلات نسائية واكسسوارات
وفيه من الخلف سوبر ماركت كبير اللي هو كارفور
خامس شي طريق الملك فهد
فيه على طريق الملك فهد بعض المحلات المتفرقة
مثل الشارع الأمامي
وبلو جينز
وقلتر ............... وغيرهم
اتمنى أكون أفدتك
ولما أتذكر شي جديد راح أرجع وأضيفه باذن الله
بالتوفيق

انا اقولك عن سوق صحارى

هلا حبيبتي
جنوب الرياض احلا مافيه سوق البديعه مول فيه ماركات واشياء حلووه
وفيه سوق الرياض الدولي يعتبر سوق شعبي فيه اقمشه وملابس بيت رخيصه
وفيه اسواق ثانيه صغيره بس مافيها شي حلوو
بس طبعا اسواق الشمال افضل كثير

اللي بتروح غرناطه وحياة مول تلبس زلاجات
لانه كبير مثل البحر يعني بتموت وهي مالفت نصه
متعب مرةةةةةةةةةة
صحارى حلو