تبين حلا يشرفك عند ضيوفك لك اللي يسرك شكل ومضمون من مطبخ خجوله المبسم بالصور

وحشتوني
جبت لكم اليوم طبقين حلا يهبلون طعم لذيذ واشكالهم مسكته
الحلا الاول بارد يبرد على القلب
والحلا الثاني ولا احلى مع القهوه
انا اخذت الحلا الاول طريقته من منتدى ثاني
وهذا هو حلا الطبقات .
المقادير
واضحه بالصوره
كيك بيتي كروكر شوكلاته انتي تطبخينه وتسوينه عادي مثل اللي مكتوب بالكرتون وتخلينه يبرد شوي عشان يمديك تفتتينه بيدك
1 قشطه ( بالصوره 2 لاني استخدمت القشطه الثانيه بالحلا الثاني )
4 كريم كراميل
حليب بودره
نسكافيه
بسكوت شاي
هيرشي شوكلاته
شوكلاته بودره
كاسات بلاستيك
مالتيزر
الطريقه
ناخذ كاسات البلاستيك ونقصها مثل الصوره تاخذين مقص وتقصين قاعدتها الحلا يكفي من 9 الى 10 كاسات
نفتت الكيك بالشوكه ثم نسقيه ب ( ملعقة نسكافيه + ملعقتين حليب بودره + شوي ماء ربع كاسه او فنجان قهوه تقريبا )
نحط كاسات البلاستيك بهالشكل القاعده المقصوصه فوق وتحت ورق الكب كيك
بعدين نحط من الكيك المفتت بداخل الكاسات ونرصها بملعقه صغيره عشان يثبت
الان خلصنا الطبقه الاولى نروح نسوي الطبقه الثانيه
الطبقه الثانيه ..
4 م ك حليب بودره
2 باكيت كريم كراميل
2 كأس ماء
نحطهم على النار مع التحريك كل شوي لين يغلي
بهذا الوقت نكون حطينا بالخلاط
نص باكيت بسكوت شاهي مكسر مع علبه قشطه و ملعقه صغيره نسكافيه
ولما يغلي الكريم كراميل نصبه على اللي بالخلاط وهو حار
ونخلطهم
ونصبه على الكيك اللي بالكاسات بعدين على الثلاجه
الطبقه 3
4 م ك حليب بودره
ظرفين كريم كراميل
2 كاس ماء
1 م ص كوفي
1 م ك بودره كاكاو
ونحطهم على النار
ولما يبدأ يغلي نشيله من النار ونصبه على الطبقه الثانيه
وندخله الثلاجه لحد مايبرد
بعد مايبرد يكون جاهز للتقديم نشيل الاكواب ونزينه بالمالتيزر والهرشي
ماشاء الله لاقوه الا بالله
صورره اخرى
راح يبقى فتات كيك كثير عشان كذا جاء ببالي استغله بحلا ثاني سهل مره
اخذت الفتات وسقيته بشوي نسكافيه وحطيت عليه علبه قشطه وعجنته وسويته كرات نصها غمستها بشوكلاته نوتيلا والنص الثاني غلفتها بجوز الهند انصحكم بجوز الهند الذ واسهل
دعواتكم وارائكم