تجربتي 4 كيلو بأسبوع ماراح تندمون والله

1. المهم


2. بعد البحث والتحري


3. اول شي بكل تركيز واهم شي الماء


4. ثاني يوم


5. هذا اليوم كان اصعب يوم في الريجيم قولوا ليش ؟؟


6. لأن فيه بندوره وانا عداوه مع البندوره خ بس الي تحبها عادي ..

السلام عليكم ورحمة الله وبركاته
شلونكم عزيزاتي الفراشات ان شاء الله بخير
انا وزني 70 وطولي 1.70 وعندي شويات من الزوايد متوزعه بكل مكان لأني طويله مايبين اني دبه بالذات وانا واقفه بس يوم اجلس تبين الفضايح خ يطلع تاير على الجوانب تقول دب قطبي
دورت وبحثت واصرّيت اني اضبط الوضع لأني من كثر مااشوف هنا اجسام تعقّدت بالذات مع الملابس الشتويه ابيّن باندا مو بنت

المهم

بعد البحث والتحري

لقيت دايت فظيع مشيت عليه اسبوع حتى ماكملت مشيت 6 ايام والسابع خربتها بآخر ساعات ههه ونزلت 4 كيلو مره واحده تخيلوا؟؟؟؟ 4 كيلو بأسبوع كنت راح انهبل من الفرحه .. جسمي تغير وخفت المناطق المربربه كثير اتكسّمت و قياس الجينز فرق قياسين ..
طولت عليكم بقول لكم الوصفه ..
هو عباره عن دايت يركز على الماء ماراح اكتب الدايت بشكل عام راح اكتب الي انا سويته وتجربتي الشخصيه بالإضافه للدايت ,,

اول شي بكل تركيز واهم شي الماء

اشربي لترين ونص كل يوم ستاندر بدونه ماراح تستفيدين شي لأن الماء ينظف الجسم من السموم والشحوم المتركزه ويعطيها فرصه تتحلحل وكمان يعطيك شعور بالشبع ,, راح يضايقك شوي روحتك للحمام اكرمكم الله بس التجربه تستاهل التعب والله العظيم ..
نيجي للأكل
أول يوم اكلت تفاحتين وحبتين كيوي وبرتقاله وحسيت بشبع رهيب .. طبعا ممكن تاكلين كم ماتبين فواكه بس لا تاكلين موز انتبهي ..حتى اي نوع تبينه عادي وينصحونك بالبطيخ اول يوم ينزلك اكثر من كيلو ..

ثاني يوم

اكلت خضار اول شي تسلقين حبة بطاطه كبيره بدون ملح ولا شي وتفطرين فيها عشان تعطيك الطاقه اللازمه لأول اليوم ,, وتكملين يومك بكل انواع الخضار انا اكلت خيار وجزر و سلقت كوسا بس انتبهي تاكلين بندوره لأنها تسوي املاح بهذا اليوم بالذات ,,
(( ثالث يوم ))
اكلت خضار مع فواكه كل شي تبينه كوليه بس ابعدي عن الموز والبندوره ,,
(( رابع يوم ..))
كان صعب بصراحه لأني مااحب الموز ولا الحليب وهوه كان يوم كامل على الموز والحليب ,,
تاكلين فيه 6 حبات الى 8 موز وتشربين 3 كاسات حليب خالي الدسم ..
انا وش سويت !! خلطتهم بالخلاط و كنت اخلط كل مااجوع واشرب ,, فعلا اشبع من نص الكاس وبالقوه اكلت 6 حبات وشربت كاستين ونص حليب
(( خامس يوم ..))

هذا اليوم كان اصعب يوم في الريجيم قولوا ليش ؟؟

لأن فيه بندوره وانا عداوه مع البندوره خ بس الي تحبها عادي ..

شوفي شنوتسوين .. لازم لازم لازم تاكلين 6 حبات بندوره وكاسة رز بني تسلقينه وتاكلينه حاف انا قطّعت البندوره على الرز وخلطتهم واكلت .. ماراح اكذب عليكم واقول لكم اني اكلت ال 6 حبات يمكن اكلت منها 4 بس لأني ماتقبّلتها بالذات ان الرز بدون ملح وبدون زيت ولا شي ,, ممنوع تاكلين اكثر من كاسة رز واحده و 6 حبات طمامطم ..
((اليوم السادس))
كان اسهل الحمدلله لأني ماحسيت بالجوع نهائيا كنت يوم اشرب الماء احس بتخمه ..
مسموح تاكلين فيه كاس واحد رز بني و اي نوع خضار تبينه والكميه الي تبينها ممكن تسلقين كوسا مثلا او جزر او بطاطا او اي شي عادي وتاكلين خيار وجزر وجرجير وخس وكل شي يعني يوم مريح ..
(( سابع يوم الي انا خربتها فيه ))
مااكلت رز ,, اكلت كل انواع الخضار كالعاده واكلت كل انواع الفواكه ,, للحين تمام وشربت عصير فواكه بدون سكر هو اليوم الوحيد المسموح فيه العصير على فكره ,, واخر شي وش سويت
اتوزنت كنت نازله 3 كيلو طبعا يوم شفتهم فرحت فأكلت قطعة لازانيا خ
رجعت اتوزنت بعدها بيومين كنت نازله 4 ولله الحمد .. << مع ان اللزانيا داخله بالخط غلط خ
ملاحظات ..
ممنوع اضافة اي شي لا سكر ولا ملح ولا زيت ولا بهارات ..
ممنوع اكل الخبز بجميع انواعه
ممنوع شرب المنبهات ..
يمكنك اضافة النكهه للماء عشان تتقبلينها مثل الليمون وغيره .. << انا مااضفت
راح تحسين بحكه في جسمك بأبسط حركه تسوينها ممكن لو عندك الة مشي في البيت او تمشين نص ساعه تنزلين اكثر من 4 بس انا ماكنت اتحرك ولا اسوي رياضه ولا شي بس رقصت مرتين وكل مره يمكن نص ساعه ..
و بس ,,
هذي تجربتي وحبيت افيدكم فيها
والي عندها اي سؤال انا حاضره ,,
الي بتمشي على الدايت تعلمنا وش صار معاها ووش احساسها .. عندي تفاصيل ثانيه ان شاء الله بكتبها بعد مااشوف ردودكم وهيه وش يصير بجسمك بعد كل يوم ..
على فكره انا ريّحت من الدايت اسبوع والبارح بدأت واليوم ثاني يوم ( يوم الخضار ) وللحين اموري تمام ولله الحمد ..
يلا دعواتكم لي بالستر والزوج الصالح
سلام