تشيز كيك بدون جبن و بالفرن من مطبخى بالصور شيز دايت ومكافأه لتعبك مع الرجيم

7
7
أنا جيت و جبت مقادير التشيز كيك
يلا نبدأ
بسم الله
المقادير:
2 كوب شوفان
2 بيضه
500جم لبنه منزوعة الدسم
1 ملعقه كبيره دقيق
1\2 كوب سكر بنى
1 كوب سكر أبيض(عادى أو خاص للرجيم)
بشر ليمون
فانيلا
الطريقه:
· القاعده:
يحمص الشوفان فى مقلاه جافه حتى يصبح ذهبى اللون و يترك ليبرد قليلا
يضاف السكر البنى و يقلب جيدا مع الشوفان
أفصلى البياض و ضيفيه للشوفان و يعجن و يفرد فى قاع صينيه التشيز كيك و يرفع من الجوانب 4 سم
· الحشو:
يخلط الصفارمع السكر و الفانيلا حتى يرتفع
ضيفى اللبنه و الدقيق و بشر الليمون و أخلطى جيدا و ضيفى الخليط على القاعده
· الفرن مسخن مسبقا على 500 ف (أعلى شئ)
· أخبزيها 10 دقائق على 500 ف و 50 دقيقه على 250 ف
هزيها أول ما تطلعيها لو ثابته تبقى جاهزه
ملحوظه هامه(افصلى الجوانب بسكين رفيع اول ما تطلع من الفرن بس لا تفكى الصينيه عشان أما تبرد لا تتشقق)
خليها تطلع أحلى من المطاعم
· الثلاجه 4 ساعات أقل شئ و كل ما تبقى تحلو
زينيها باللى تحبيه أنا زينتها بمربى فراوله(العلالي خاص للرشاقه)و تفاح طازج
قومى اعمليها حالا و ابهريهم و اتحداك لو صدقو انها من صنع ايديكي
و بمليون هنا