تكفون ابقى مساعدتكم في نص ذبيحه

خوخه10

20-06-2022 - 05:37 am

تكفون ساعدوني زوجي بيجون عنده رجال وبيسوي لهم عشاء ومايبقون من برى(المطعم)يبقون طبخ بيت
بيجيب لي نص ذبيحه وشلون اسويها
انا اعرف بس ابقى طريقه تبيض الوجه

التعليقات (6)

سحر الليالي

20-06-2022 - 07:55 am

مااعرف بشغل الدبايح ان شاء يساعدونك
للرفع

اسيرة قلبة

20-06-2022 - 08:56 am

اسلقي اللحمة حطي معاه ملح وهيل وورق غار او اي شي تحبية
خليها ساعة ونص او ساعتين خرجيها حطي الرز ف موية اللحمة اذا يحتاج ملح زودي شوي
اللحم حطيه ف قدر حطية ع صبغة ودخلية الفرن يخلية يجي مقرمش شوي اطفي النارعلية
خلاص اذا الرز استوى اغرفية ورصي اللحم علية بشكل حلو اذا عندك صنوبر او زبيب زينية فية وبالعافية

قلبها فوشي

20-06-2022 - 09:57 am

لرفع

غيمة 29

20-06-2022 - 10:58 am

والله اختي انا عن طريقتي سواء نص ذبيحه او كامله
اولا اجيب قدر صغير واسوي كشنه عاديه اكيد تعرفينها شوي زيت ثم احط البصل والثوم مقطع صغار احركه لين يحمر مره ثم احط طماط وفليفله وابشري جزر وحطي عليه ابهاراتك العاديه مع ملعقه كمون و2 مرق ماجي بالخضار يعطي طعم للحم جنان
وبعد ها صبي كوب مويه وخليه شوي على نار هاديه
بعدين نضفي الحم جيدا وحطيه بالقدر وحطي اعواد قرفه وليمون اسود كبير وشوية هيل وقرنفل وصبي عليه الماء وحطي الكشنه عليه على طول وخليه لين يستوي ولا تنسين الملح
وبعد ساعتين على حسب اللحم طلعيه وحطي الرز بعد نقعه طبعاًولين يستوي وبعدها اغرفي وحطي اللحم عليه وزيني الوجه على حسب ذوقك وقدميه بالعافيه
اسفه طولتها وهي قصيره بس هذي طريقتي

لابسه البوشيه

20-06-2022 - 11:59 am

بشري وش سويتي كيف طلعت عزيمتك؟؟؟

سكره من ظهر سكر

20-06-2022 - 01:00 pm

ها وش سويتي ؟؟؟؟؟
الله يعينك

بالصور يلنجي محشي فلفل ألوان من مطبخ منال العالم المميز←
تعالو شوفو صور غدا عربجيه المتواضع جدا→