تمارين صقل الجسم

1. ملاحظات مهمة قبل طرح التمارين :

كلنا نحلم بجسم رشيق متناسق وتعبنا من الرجيم والحرمان
الرجيم بدون رياضه يعني سيلوليت وجسم مترهل
تبين جسمك مثالي لازم تتنازلين عن غرورك مع الرياضة وتسوينها
مو فترة الرجيم لازم تكون عاده طول حياتك وهذا سر الممثلات لجسم مثالي
أنواع الرياضة :
تمارين الايروبيكس + تمارين الصقل
تمارين الايروبيكس : هي التمارين السريعة ( المشي السريع , المشي على الدراجة الهوائية , السباحة , نط الحبل , المشي على آلة السير , تمارين السريعة مع الدرجة والموسيقى ...ألخ)
تمارين الصقل : هي التمارين البطيئة اللي تركز على عضلات الجسم جزأ جزأ مثل ( جلوس القرفصاء , تمارين عضلة الذراعين ...ألخ )
الفرق بين الاثنين
تمارين الأيروبيكس تحرق الدهون وتنحف الجسم وتمارين الصقل تبني عضلات جسمك اللي بدورها برضو تحرق الدهون وتعطي جسم بشرة مشدودة وشكل ممشوق

ملاحظات مهمة قبل طرح التمارين :

• ألبسي أثناء التمارين ملابس مريحة قطنية من قطعتين ( تي شيرت وبنطلون )
• ضروري الأحماء قبل التمارين لمدة 5 دقايق حتى ما تتضرر العضلة أثناء التمارين ( ومن أفضلها ( المشي السريع , أو المشي وأنتي في مكانك )
• في تمارين المتقدمات تستخدم( أثقال + عصا + بالون الضغط )

أذا عندك أو حابة تشترينهم براحتك لكن أنا استخدم بدل الأثقال (علب موية حجم وسط طبعا مملوءة بالماء) والعصاء يعوض عنها أي عصاء بالبيت وبالون الضغط أستخدم بداله (مخدة أسفنجية مدورة) وكلهم يأدون نفس النتيجة( مالك حجة أبدن )

• أذا حسيتي بالعطش اثناء التماريين تقدرين تشربين مويه لكن مو تملين بطنك فيه
• أذا صحيتي اليوم الثاني للتمارين وحسيتي بألم في عضلاتك أقولك مبروك معناتها أديتي التمارين بشكل صحيح لاتسوين التمارين الا بعد مايروح الالم بعد يومين او ثلاثة.
• لاتستعجلين النتايج وقبل تسألين نفسك ليش أقعد طول عمري أسوي رياضية أسألي نفسك ليش أعذب نفسيتي وجسمي كل هالسنين بتراكم الدهون والموضوع كلة 4 ساعات بالأسبوع ..!

تمارين المبتدئين
التكرارية 12 على مجموعتين >> مدة 3 - 6 أسابيع ثم ننتقل لتمارين المتقدمات
(( بعض الصوره منقوله وبعضها اجتهاد شخصي ))
اتمنى اكون افدتكم
لى رجعه مع تمارين المتقدمات