جعلها في الفردوس من ترد علي

انا زيك مااضبط القهوة وكنها الحين بدت تزين .. لان وحدة هنا بالفراشة حطت الطريقة بالتفصيل .. انا ماخزنت الرابط لكن هذا نص الكلام الي نزلتها ..
السلام فراشتي طبعا بعضكم مستغرب يقول في نفسه هالبنت رايقه من اللي ما يعرف يسوي قهوه وراح اجاوب طبعا كل الناس القهوه يومي في بيتهم بس الفرق هل ضيوفك لاشربوا فنجالك قالوا ياه هذي القهوه صح قولي وش سرك ؟
انا بقولها لفراشتي حبيباتي السر يكمن في المكونات وانا راح اشرح طريقتها بالتفصيل عشان حتى اخواتنا العربيات يتعلموا قهوتنا المره ههه
اولآ اكبر خطأ تقع فيه معظم النساء هي انها تفوح ما قهوتها بنفس ابريق القهوه اللي بتطبخ فيه القهوه وهذا خطا لازم تفوحين الما قبل بفواح الما او الغلايه الكهربائيه الين يفوح بعدين تحطينها بقدر القهوه او المفواح حق القهوه ، المقادير نص ابريق القهوه ماء
ثانيا البن قلبي افضل حمسه هي الوسط يعني اذا رحتي للمحمصه قولي ابي بن بري حمسه وسط والقهوه البريه هي افضل الأنواع ، حطي فنجال ونص حسب حمستك الذا وسط حطي كذا واذا غامقه فنجال واذا خفيفه حطي فنجالين
ثالثا حاجه تاخذينها من العطار اسمها الشيبه او الشنه حاجه مجففه لونها رمادي مايل للأسود تحطين على القهوه وهي تطبخ ع النار من الشيبه قليل بس بين اصابعك
رابعا الزعفران فيه ناس تحطه اخر شي بدلة التقديم او الدفايه او الزمزميه وكلها مصطلحات تعني الأنيه التي تقدم بها القهوه للضيوف ولكن طريقتي انا هي استعمال زعفران خاص تلقينه عن محلات هضيم المشهوره لها فروع بكل مناطق القهوه قوليلهم ابي زعفران هضيم اللي لها مسمى ثاني هو الخلطه الملكيه الممتازه للقهوه بالهيل والله يابنات تصبغ قهوتك حيل تحطين على القهوه وهي تطبخ ملعقه او اكثر او اقل حسب رغبتك بس ملعقه تكفي لانها تصبغ على طول اللي ماتلقى الزعفران تقدر تستخدم زعفران الأعماق بس تطحنه مع الهيل احسن
خامسا ترك القهوه تغلي على النار لفتره كافيه بعض الحريم يستعجلون عليها وهذا خطا لازم تطبخ على النار اقل شي عشر دقايق وهذا لاصرتي مستعجله انا اخليها ربع ساعه او 25 دقيقه على نار هاديه
سادسا التقديم عمري لازم بعد ماترفعون القهوه من النار لازم تترك شوي قبل ما تحطينها بآنية التقديم عشان يركد البن تحت وتصير قهوتك صافيه خليها تقريبا دقيقتين او ثلاثه تكونين وقتها قمتي بطحن الهيل وهنا الأهم اغلب الناس يقومون بطحن الهيل بكميات وعند التقديم يحطونه جاهز وهذا اكبر اهدار لنكهة الهيل لازم ماتطحنينه الا عند التقديم تاخذين المقدار اللي يكفيك وتطحنينه وتحطينه بآنية التقديم وتزلين القهوه عليها ومن ثم تلذذي بأحلى قهوه بحياتك سويها بحذافيرها وادعيلي بزوج صالح قريبا الله لايسامح اللي تسويها وما تدعيلي وانتظر ردودركم