جوا ضيووف فجأه

1. هذا الله يسلمك حلا الشتله

السلام عليكم ورحمة الله وبركاته ...
كيفكم حبيباتي الفراشات ؟؟
طبعا هالحركه دايم تصير .. فجأه تجيك مكالمه وتقولك صاحبتها انها جايه ولا بعد عالعشا !!!
طبعاَ عيب تقولين لها خليها بكره
المهم .. ولا يهمك الحل والحلا موجود
ولا بعد مقاديره سهله وبتكون موجوده عندك ..... وبتستغنين عن حرب داحس والغبراء
اذا قلتي لاهلك والا زوجك ابغا اروح السوبرماركت عشان اجيب الاغراض وقالوا لك لا وانتي مصره
خلونا بالمهم عشان ما نضيع الوقت
الحلا الاول بيكون احلا بقوالب
الله يسلمك تجيبين شريحة اناناس وتحطينها بالقالب وفوقها قطعة بسكوت شاهي (( اولكر ))
وتكونين مجهزه بالخلاط (( 3 باكيت دريم ويب - 9 حبات جبن كيري - موية الاناناس - ربع كاس مويه وانتبهي لا تكثرين عشان ما تصير سايله مره وبنفس الوقت مو مره غليظه )))
وحطيها فوق البسكوت وبس ... واذا كان عندك فراوله زينيها واذا ما عندك خليها ساده
طيب تجي وحده تقول يوه ما عندي اناناس
ولا يهمك حبيبتي البديل موجود جيبي صينيتك وحطي فيها طبقتين بسكوت شاهي ورشيها بالملعقه بالحليب (( رش مو تغرقينه بس عشان يترطب ما يكون يابس ))
بعدين حطي بالخلاط (( باكيت كريم كراميل - ملعقه كبيره نسكافيه -10 حبات بسكوت مطحون (( نفسه بسكوت شاهي الله يصبره علينا - باكيت دريم ويب ))
وحطيها فوقها وبس واذا تبغين زينيها بشوكولاته مبشوره او بودرة كاكاو او اللي تبغين ..... الخيار لك منيب معقده
يوه باقي وحده تقول ما عجبها تبغى شي ثاني
احمدي ربك للحين بالي طويل وبعطيك طريقة حلا ثاني بس عقاب لك بخليك تقطعين كيك امريكانا ساده واحد ثاني بالشوكولاته شرائح مثل التوست خ عشان ما تتعودينها
المهم تحطين شرائح الشوكولاته بالصينيه وتصبين فوقها (( نص كاس مويه حاره - ملعقة كبيره نسكافيه))
بعدين تحطين بالخلاط (( 2 قشطه - نص كاس سكر - 2 باكيت دريم ويب - 3 ملاعق حليب بودره - فانيليا ))
وصبي نصها بس فوق كيك الشوكولاته
بعدين حطي شرائح كيك الفانيليا اللي هو الساده الابيض وصبي فوقه النص الثاني من الخليط وبس
زينيها بكاكاو بودره
بعد !!!! مو عاجبك
خلاص ما عندي شي يقول الشاعر اذا صار صاحبك عسل لا تلحسه كله
الحين عاد انتي سويتي حلا للعشا وخلصتي عندك وقت تبغين تكشخين وتسوين حلا للقهوه
ولا يهمك حبيبتي
اول شي ولعي الفرن من فوق وخلي ناره هاديه مره
جيبي علبة بسكوت شاهي اولكر و...... لحظه قبل ما اكمل .. ما رحمتوه هالبسكوت !!!! مسكين مره مضطهد ما نخليه بحاله الله يستر لا نطلع طبخه ونحطه مع الرز
المهم جيبي البسكوت المسكين وكسريه مو تفتتينه او تطحنينه خليه قطع صغيره مره وذوبي اصبع زبده واخلطيها معه وحطيه بصينيه ...... بعدين بالخلاط (( حتى الخلاط رحمته )) ههه جدا مزعجه
المهم حطي بالخلاط قشطه - 6 حبات كيري - حليب مركز كبير وصبيها فوق البسكوت
دخليها الفرن لحد ما تتماسك بعدين حطيها بالثلاجه وبس
وفيه حلا ثاني بعد مره حلو (( للقهوه ))
http://www.alfrasha.com/showthread.php?t=44618
وهذا للعشا
http://www.alfrasha.com/showthread.php?t=45605
يالله خلصت اشوفكم على خير .... تصدقون !!!
ما قوى قلبي اروح وفيه وحده زعلانه عشان هذاك الحلا اللي مو عاجبها ...... كل شي ولا زعلك ما عاش من يزعلك حبيبتي
بقولك طريقة حلا يجن وان شاء الله ما يكون مكرر (( حاسه فيه احد قبلي كاتبه بس بتوكل على الله ))

هذا الله يسلمك حلا الشتله

والصينيه اللي تحطينه فيها عاد هذي لحالها ابداع .. تقدرين تحطينه بالكاسات البلاستيك الصغيره حقت القهوه عشان يعطيك منظر شتله صغيره (( بس طبعا اذا ضيوف تمونين عليهم او اهلك )) او تحطينه بهذاك الشي حق الشتله طبعا مخصص هو للحلا او ...... اخر شي حطيه بصينيه حليوه مدوره وبلا وجع راس
قطعي شرائح كيك سويسرول امريكانا بالشوكولاته وصفيها بالصينيه
وحطي بالخلاط باكيت كريمه - 2 باكيت دريم ويب - 2 قشطه وحطي نص الكميه فوق الكيك
بعدين تحطين شوكولاته هيرشي السايله (((( اموت فيها ))))
النص الثاني من الخليط حطي معه ملعقه كبيره كاكاو بودره وصبيه فوقهم
اخر شي جيبي بسكوت اوريو بالشوكولاته واطحنيه وحطيه فوقهم يطلع شكله وطعمه جنان
اهم شي لاحظوا ان اولكر ماخذ اجازه هنا
صدقيني بيعجبك وقولي ما قالت The Cute Butterfly
ها بشروا ان شاء الله محد زعل ؟؟!!!!
اذا خلصتي شغل توقعي على راسك من الشغاله من كثر المواعين اللي بتطلع لها
عاد الحين اخليك ... يالله بسرعه ضيوفك جوا !!!!!!
وانتي للحين قاعده تسولفين .. يالله يمديك
مع السلامه
وآآآآآآآآآآسفه على كثر الحكي .. عارفه قلبت روسكم
.