حركات هنديه وبالصور كمان

بسم الله الرحمن الرحيم
السلام عليكم ورحمة الله وبركاته
جايبة لكم اليوم حركات هندية عملتها لكم اختي قصر الأشواق عشان زواج صديقتنا الفكرة منها..
ان مجموعة من البنات يلبسون لبس ساري هندي
ثنتين راح يحملون شمعدانات هندية من عمايل اختي والثالثه راح تحمل
هودج (أكيد تعرفون الهودج الي كانو يحطونه على الجمل أيام زمان)
طبعا الشمعدانات رايكون عليها شموع
والهودج راح يكون داخله المصحف الشريف
وندخل لحد مانوصل للعروس وتاخذ المصحف وتقبله وتفتحه وتقرأمنه بعض الآيات
المهم الفكرة مرة حلوة وتجنن
هذا بالنسبة لنا لكن أكيد ما نستغني عن ارائكم ومنتقداتكم
وطبعا إذا عندكم أي أقتراح أو أضافة لا تبخلون علينا
ماراح اطول عليكم
راح أتركم مع اختي تشرح لكم و مع الصور
هذي الأدوات الي أستخدمتها لعمل الشمعدان
لوحين خشب
والعصا الخشب (أنا بصراحة ماكان عندي بس جبت عصا المكنسة المكسورة واستخدمتها)
وطبعا منشار عشان أقسم العصا نصفين
وبعدما قطعت العصا نصفين
ثبتهم على الألواح الخشبية بالمسامير طبعا
وجبت قماش أحمر عنابي عشان أغطي الشمعدان الضخم الي عملته
طبعا كنت أستعمل مسدس الشمع في العمل كله
والأعمدة الخشبية
قصيت القماش بطريقة الورب عشان يسهل علي تغليفه
وبعد ماغلفت الشمعدانات الضخمة
جبت شريط ذهبي عشان أكسر حدة اللون والجمود
وطبعا عشان يعطينا شكل أجمل