حركة حلوة في الديكور الجداري تعالوا اوريكم

السلام عليكم ورحمة الله وبركاته ..
الموضوع من مجهودي الشخصي غير منقول .. اتمنى منكم دعوة في ظهر الغيب بأن يصلح الله
أمري ويهديني وزوجي ويسخرنا لبعض ويرزقنا الله من فضله الواسع ..
مثل ما كتبت في العنوان .. حركة حلوة مره وتعطي فخامة أو أناقة للمكان على حسب استغلالك لها
الحركة هي التجاويف الموجودة في الجدران .. مثل الصورة
طبعاً هذي الصورة التجويف تم استغلاله بوضع لوحة .. تخيلوا المكان بدون تجويف ..
التجويف أحلى و ممكن استخدامه رف مثل ما تشوفون عليه شموع يعني ممكن تستخدمونه رف
مثل ما تستخدمونه مكان للتجميل
في الصورة السابقة استخدم التجويف كخلفية للسرير وزيادة عليه اضافة ديكور من الحديد المشغول والشموع
في هالصورة استخدم التجويف كشباك خاص بإضاءة الغرفة مثل ما هو واضح .. ومثل ما
انتوا شايفين استخدم التجويف أيضاً رف عليه بعض القطع الصغيرة ..
نفس الشي هنا استخدم التجويف للشباك ورف لفازة الورد ..
هنا استخدم كإطار رائع للبانيو ..
وهنا تجويف مبطن بالانارة وبعدها ديكور قد يكون زجاجي أو غيره لكنه روعه
هنا التجويف استخدم كقطعة اثاث إضافية للغرفة شكلها حلو
اما هنا التجويف بطن بالانارة وتم اغلاقه بالحديد المشغول وتعالي شوفي شكله في الليل خاصة رهيب
وهنا التجويف اغلق باستخدام الزجاج المثلج المرسوم عليه .. حلو
وخلاصة الكلام .. التجويف ديكور رائع جداً .. خاصة لو وضعنا اعلى التجويف سبوت لايت بيطلع شي
انتهى ..