حلو مشكلتي ولكم دعوه بظهر الغيب

وعود / غرآميه

11-07-2022 - 03:20 pm

السسلام عليكم
عزيزاتي /
انا مششكلتي معقده وابيكم تحلونها لي وتكونون حاطين انفسكم بمكاني
مشكلتي اني متزوجه وانا صغيره يعني عمري 18 ولي الحين ثلاث شهور متزوجه
ولا عندي مسؤوليه ابد مااعرف انظف البيت ولا اعرف حتى اروح اتقضى الاغراض اللي
تنقص البيت ونومي ملخبط لدرجة اني ماصحى اصلح الغداء لزوجي من السهر
وهو يجي من الدوام تعبان ولا يدري وش يقول لي في كل حياتي متورطه
بنات الله يعافيكم عطوني حل ابي ارتب حياتي ماقدرت
ولكم مني الدعاء

التعليقات (9)

جنتي بيتي وزوجي

11-07-2022 - 06:08 pm

الحمدللة انك عرفتي مشكلتك انا في البداية كنت ما اعرف اقضي للبيت مثلك بس انتي من النا حية هذة اشتري كتاب اطباق النخبة واختاري الاكلة الي تبيها واكتبي الطلبات وهو يجيبها لك والنوم حاولي تنامي بدري وانتبهي الرجال بيسكت بعدين واللة ينفجر عليك

وعود / غرآميه

11-07-2022 - 07:09 pm

الله يعطيك العافيه
بس الكلا م سهل والتنفيذ صعب

جنتي بيتي وزوجي

11-07-2022 - 08:10 pm

والبيت حبيبتي ماراح يتوسخ كل شوي اهم شيء نظفي غرفة النوم وبخريها قبل يجي من العمل والحمام كمان لا تنسية ادعيلي بتيسير الولادة

نــدووشي

11-07-2022 - 09:11 pm

حبيبتي ذكرتيني بنفسي اول زواجنا
عادي يبيلك وقت عشان تتعودين
اول شي الغداء حطي منبه قبل بوقت عشان تقومين تسوين غداء وتتكشخين له
ثانيا شغل البيت مايبي شي
خصصي يوم للغسيل ويوم للكوي
والكنس والمسح بما انك عروس مره فالاسبوع خصصي له يوم
شغل المطبخ اول باول احسن
قصدي مواعين فرن ثلاجه
الاغراض زي ماقالت لك اشتري كتاب النخبه واجلسي وحددي كل الطبخات اللي راح تسوينها خلال اسبوع واكتبيه بورقة
وعطي زوجك يجيبها اوروحي معه احسن عشان تتعودي
والاشياء الضرورية زي خضار رز-مكرونه- دجاج -اغراض فطور
يعني وحبيبتي عادي اسئلي امك اي شي هههاي اول زواجي ياكثر ماادق عليها
وسوي زي طريقتي
جيبي ورقة وحطيها ع الثلاجه واي شي ينقص عليك بوقتها اكتبيه فالورقة عشان لا تنسينه
والنوم اذا انتي من النوع اللي نومه ثقيل
حاولي ماتطولين بالسهر
وتحياتي

وعود / غرآميه

11-07-2022 - 10:12 pm

الله ييسر لك ويسهل لك في ولادتك يارب
ويجعها ذريه صالحه

وعود / غرآميه

11-07-2022 - 11:13 pm

ندوشي الله يعطيك العافيه يارب ويسخر لك
وامي ياعمري الله يصبرها كل دقيقه اتصل عليها
ومشكورين

جنتي بيتي وزوجي

12-07-2022 - 12:14 am

واللة مو صعب انا زيك اتزوجت عمري 18ولي سنة متزوجة وانا اصلا مدلعة عند اهلي لا اطبخ ولاشيء ويوم تزوجت تعلمت شوي شوي يعني اذا راح العمل اقوم انظف البيت امسح الغبار من الطاولات واكنس واقعد افكر ايش اطبخ واذا طبخت الرز اخلية لين مرة بس هو مايقولي شيء قعدت اسبوع كلة اخطاء بعدين عرفت واتعلمت

وعود / غرآميه

12-07-2022 - 01:15 am

ان شاءاله
اشوى والله يعني كل الناس كذا
<< وانا محطمه نفسي
والله امس ماطبخت غداء كنت نايمه
يوم جاء من الدوام وانا ماصلحت غير ملابسه وطلع
يجيب من برا وارسلت له
( اسسفه ادري انا ربة منزل فاششله )
ههه هذا اخر شي توصلت له ماعاد لي وجه
بس ياله الله يعن
ومشكوره

(شوكلاين)

12-07-2022 - 02:16 am

حبيبيتي ....وعود
الحياة الزوجيه في بدايتها صعبه ,وكل شي في بدايته صعبه .,
بس الاصرار والثقه بنفس تولد النجاح في كل شيء
ابداي شوي شوي ...
حطيلك جدول مبسط وامشي عليه ...في الطبخ والمنزل والغسيل !!
اما عن النوم فانتي لن تنامي بدري بهذه الفتره لانك عروس ولسى ما اخذتي على الجو ..بتتعودين ويكون نومك طبيعي............بس الحاجه سيد الاختراع
الله يسعدك وييسر امرك .........تقبلي مروري

مين الي زوجها موظف في شركة في الجبيل←
حبيت انقله لكم→