حلى روعة ماياخذ بين ايديكي خمس دقايق ويفك الزنقات

السلام على الامورات
جايبة لكم حلى إنما اية
مرة رحت لوحدة من قريباتي فجأة يمكن اخذت فترة بسيطة فترة تجهيز القهوة
ولما جت لقيت مسووية حلى عرفت انها مسوويتة اللحين لانة كان حار مطلعتة من الفرن يعني لو بارد كان قلت عندها من قبل لطوارئ
بس روعة يابنات خصوصاً لمحبين القرفة جنان
وسهل مرة
المقادير
صامولي
كمية من القرفة ( بودرة )+ شووية موية
علبة نستلة + علبة جبن << مع بعض بالخلاط
الطريقة
تقطعي الصامولي دوائر وتغمسيها بالقرفة من كل الجهتين تصفيها بصينية لما تتنتهي كمية الصامولي الي تبيها
وبعدها تصبي عليها خليط النستلة والجبن بحيث يوصل الخليط كل جهتين الصامولي تصفيها بالطريقة الي تعجبك أنا عني احب اخلي الحلقات بشكل عامودي واقفة تعطي شكل احلى
ادخليها الفرن بس هاة لايطول عشان الصاموي ماييبس
وبس
وبالعافية