حملة الزبادي لاذابة الشحوم واللحوم مره مريح ومافيه عذاب وتاكلين عادي

1. """""""""""""""""""""""""""""" """""

السلام عليكم ورحمة الله وبركاته
هلا خواتي

"""""""""""""""""""""""""""""" """""

,,
اكيد الاغلب يعرف الزبادي ان يحرق الشحوم وخاصه بين الوجبات غير الفوايد اللي تجي منه ويذيب الشحوم اللي حول الخصر وخاصه البطن وما ادراك ما البطن وتعذيبه ودنا كلنا انه لااصقن بظهورنا والباقي يهون وبرمضان اللي طاف قريبتي مدخله الزبادي في اكله وخاصه وقت الفطور مع التمر وماخلص رمضان الا بطنها منشفط وعيني اللي شافتها موب احد قالي
المهم ابعطيكم ها المعلومه عن الزبادي اقروها وان شاء الله تقتنعون
وهي ان الزبادي يساعدك في تخفيض وزنك اضافة الا حماية العضلات >>>هذي دعائم لنا
واثبتت الدراسه ان اللي يتناولون 3حصص من الزبادي باليوم لمدة 12 اسبوع يعني 3 شهور >>قولي قسم
انهم قدرو انهم يفقدون من اوزانهم 22% من الوزن اكثر و61 % من دهون الجسم اكثر و81% من دهون البطن اكثر
ومجموعه سوو بنفس الاكل والسعرات الحراريه لاكن بدون الزبادي ومانقصو شي وهاالنقص اللي تشوفونه بسبب الزبادي ودخله في الجسم
يعني نفس اكلك وتاكلين زبادي وتنحفين ثلاث مرات باليوم
اللي حابه تبدء معي حياها الله واللي موب حابه وتبي تتابع وتشوف النقص وكيف من الجسم ةتتابع وتتحسر
وتشوف النتيجه ان شاء الله ولولا الحياء لانوريكم وش صار باجسامنا
ه
عاد انا باديه فيه من اليوم وباذن الله استمر 3شهور ونشوف الفرق
وها النظام للكل يصلح حامل مرضع فيها سكر فيها ضغط فيها اي شي ما يضر باذن الله لان مافيه لا اعشاب ولا يحزنون زبادي وبس واللي تحب تسوي معه نظام وتخفيف يكون تمام وتنزل اكثر
واللي تبي تقيس بالقياسات تشوف بعد افضل لها ولنفسيتها وتشجع عمرها ان بغت كل اسبوع تجرب شي ضيق عليها او بعد شهر براحتها بس كل يوم ما اضن بيبان
واللي حابه تسوي نظام التمر مع الزبادي بيكون حلو او بين الوجبات زبادي او مع الوجبه او قبل الوجبه اللي تبي
وتقولنا وش طريقتها كل اسبوع ونشوف النتيجه كيف
انا متحمسه له لاني شفت ناس مسوينه وفيه ناس خلوه نظام لهم بوسط الاسبوع بس زبادي ونحفو وبان عليهم باربع ايام عاد كلن واستطاعته بس اهم شي انه يكون ثلاث علب زبادي باليوم
اللي حابه تسوي حيها
وما اضن انه صعب على احد وراح تشوفون النتيجه اللي توسع صدوركم
ايه نسيت اقول الزبادي الافضل ياخالي الدسم ياقليل الدسم بقدر المستطاع
وسلامتكم <>>>الله يسلمني
للامانة منقول من منتدى ثاني
صاحبة الموضوع وليده
يالله مين تشترك معي +مشي على السير او اي جهاز لمدة ساعة كاملة