حم آآ شھي خ م د ف شھ

كيفكم يافراشات
ان شاء الله بخير
أنا الحمدلله
رجعت لكم من جديد
وتراني راجع بقوة
حضرت وجبتن وحدة طبق رئيسي والثانية طبق حلا
روحوا لبيت الحلى وراح تحصلو.......قصدي قسم الحلويات
تابعوا معي طبقي اليوم وصفة كاري اللحم
ما راح امدح ابد لانه بصدق لذيذ
نبدا بسم الله:
الطبخه هذي ما راح نستعمل زيت ولهسبب ما راح نحط بهارات صحيحه
المقادير:
2\1 كوب اوراق الكزبره
1 ملعقة شاي زنجبيل مفروم وثوم
2 حبة فلفل حار
1 بصله
1 طماطه
لحم انا استعملت الريش مال الضان
2\1 كوب حليب النارجيل (انا ما كان عندي واستعملت روب)
1 ملعقة طعام مسحوق الكزبره
2\1 ملعقة شاي جارام مسله (Gram Masala)
ملح حسب الرغبة
1 و2\1 كوب ماء
الطريقه:
1- تقطعين البصل والفلفل وتسلقين الطماطه في ماي حار
2- تجيبين قدر الضغط وتحطين فيها كل المقادير
ما عدا الطماط (ملاحظه: اذا باتستعملي الروب بدل النارجيل، اخلطي الروب مع الماي بخفاقة البيض
اول وبعدين ضيفيه للقدر .. علشان ما يكون الروب متعقد)
3- تسكرين القدر وتخلي اللحم لحد ما ينطبخ .. وبعدين تفتحين القدر ويكون بهالشكل
4- تشيلين اللحم من القدر وتحطيه على صوب شوي
5- الطمام تفرميها في الخلاط وبعدين تضيفيه للقدر وتخليه
ينطبخ 15 دقيقه (ملاحظه: انا هنا سويت معاه بصل لان كان عندي بصل وخفت يخترب قلت خلني احطه)
6- بعد ما ينطبخ رجعي اللحم واطبخيه لمدة 10 دقايق
7- يقدم ساخن..... بالهنى